.jpg)
សកម្មជនគាំទ្រការស្វែងរកសន្តិភាព កាន់បដាបង្ហាញរូបភាពប្រធានាធិបតីកូរ៉េខាងត្បូង មូន ជេ-អុីន និង មេដឹកនាំកូរ៉េខាងជើង លោក គីម ជុងអ៊ុន ដោយដាក់ពាក្យស្លោក ថា«ការផ្តើមជាថ្មីនៃសន្តិភាព» អំឡុងបាតុកម្មមួយនៅខាងក្រៅវិមានប្រធានាធិបតី កាលពីថ្ងៃទី២៦ ខែ មេសា ឆ្នាំ ២០១៨។ AFP
ក្រុងសេអ៊ូល: កូរ៉េខាងជើងបានថ្កោលទោសចំពោះការរិះគន់របស់អាមេរិកចំពោះកំណត់ត្រាសិទ្ធិមនុស្សរបស់ខ្លួនថា«មិនសមហេតុផល»ខណៈភាពតានតឹង
ផ្នែកការទូតបានកើនឡើងមុនជំនួបកំពូលរបស់មេដឹកនាំកូរ៉េខាងជើងលោកគីមជុងអ៊ុនជាមួយកូរ៉េខាងត្បូងនិងប្រធានាធិបតីអាមេរិក លោកដូណាល់ត្រាំ ។
នៅក្នុងសារនាពេលថ្មីៗបំផុតមុនពេលជំនួបកំពូលថ្ងៃសុក្ររវាងលោកគីមនិងប្រធានាធិបតីកូរ៉េខាងត្បូងលោកមូនជេ-អ៊ីននៅក្នុងតំបន់សុវត្ថិភាព លោកត្រាំបានទាមទារឲ្យកូរ៉េខាងជើងលះបង់កម្មវិធីអាវុធនុយក្លេអ៊ែររបស់ខ្លួនខណៈបានពិពណ៌នាមេដឹកនាំរបស់ខ្លួនថា«មានចិត្តបើកទូលាយ»និង«មានសេចក្តីថ្លៃថ្នូរ»។
ក្រុងសេអ៊ូលបានលើកឡើងថា លោកមូននឹងជួបលោកត្រាំតាមទូរស័ព្ទភ្លាមៗបន្ទាប់ពីជំនួបកំពូលថ្ងៃសុក្រនិងបានសន្យា«ធ្វើការសម្របសម្រួលដ៏ជិតស្និទ្ធ»ជាមួយសហរដ្ឋអាមេរិក។
កូរ៉េខាងជើងដែលនៅឯកោត្រូវបានចោទប្រកាន់ពីបទរំលោភសិទ្ធិដាក់ទណ្ឌកម្មដោយរដ្ឋជាបន្តបន្ទាប់រួមទាំងការសម្លាប់ក្រៅប្រព័ន្ធតុលាការធ្វើទារុណកម្មការបង្ក្រាបដ៏សាហាវឃោរឃៅទៅលើក្រុមអ្នកប្រឆាំងនិងរួមទាំងការចាប់ជំរិតជនបរទេស។
របាយការណ៍សិទ្ធិមនុស្សនាពេលថ្មីៗបំផុតរបស់ក្រសួងការបរទេសអាមេរិកស្តីអំពីកូរ៉េខាងជើងត្រូវបានផ្សព្វផ្សាយកាលពីសប្តាហ៍មុនបានពិពណ៌នាការរំលោភសិទ្ធិមនុស្សជាក់ស្តែង»នៅក្នុងរដ្ឋផ្តាច់ការគិតចាប់តាំងពីការប្រហារជីវិតជាសាធារណៈរហូតការឃ្លាំមើលជាទូទៅលើជីវិតរបស់ប្រជាពលរដ្ឋ៕AFP/SN
