កាលពីថ្ងៃសៅរ៍ទី ៣០ ឧសភា អភិបាលក្រុងកូឡុំប៊ី លោក Jorge Ivan Ospina បាននិយាយថាយ៉ាងហោចណាស់មានមនុស្ស ១៣ នាក់ បានស្លាប់ កាលពីថ្ងៃទី ២៨ ឧសភា នៅក្នុងទីក្រុងកាលីនៃប្រទេសកូឡុំប៊ី ដែលជាចំណុចកណ្តាលនៃការតវ៉ានៅទូទាំងប្រទេសហើយភាគច្រើននៃការស្លាប់ទាំងនោះ អាចមានជាប់ទាក់ទងនឹងការតវ៉ានេះ។
ការតវ៉ាដំបូងឡើយ គឺប្រឆាំងនឹងកំណែទម្រង់ពន្ធ ប៉ុន្តែការកំណែទម្រង់នេះ ត្រូវបានពន្យារពេល។ ភាពវឹកវរនេះ ក៏បានដាក់សម្ពាធដល់រដ្ឋាភិបាលឱ្យដាក់ការកែទម្រង់ប្រព័ន្ធសុខាភិបាលហើយបានជំរុញឱ្យលោក Alberto Carrasquilla អតីតរដ្ឋមន្រ្តីក្រសួងហិរញ្ញវត្ថុលាលែងពីតំណែង។
លោក Ospina បាននិយាយនៅក្នុងសារជាវីដេអូថា ចំនួននៃការស្លាប់នេះ យើងមិនអាចនិយាយបានថា តើការស្លាប់នៅថ្ងៃទី ២៨ ខែឧសភា គឺមានជាប់ទាក់ទងនឹងការតវ៉ា ឬអត់ទេ។ លោក Ospina បាននិយាយបន្ថែមថា ក្រៅពីការស្លាប់ទាំង ១៣ នាក់ ការិយាល័យអគ្គមេធាវី បានរាយការណ៍ថា មនុស្ស ៣៤ នាក់បានរងរបួសផងដែរ៕