The Phnom Penh Post Search

Search form




Logo of Phnom Penh Post newspaper Phnom Penh Post - ក្នុង​សារ​វីដេអូ យុវតី​ម៉ាឡាឡា បាន​និយាយ​ថា នាង​កំពុង​ជា​សះ​ស្បើយ

ក្នុង​សារ​វីដេអូ យុវតី​ម៉ាឡាឡា បាន​និយាយ​ថា នាង​កំពុង​ជា​សះ​ស្បើយ

ក្នុង​សារ​វីដេអូ យុវតី​ម៉ាឡាឡា បាន​និយាយ​ថា នាង​កំពុង​ជា​សះ​ស្បើយ

130206 17b
យុវតីប៉ាគីស្ថាន និយាយជាមួយភ្ញៀវបន្ទាប់ពីការវះកាត់នៅអង់គ្លេស AFP

ក្រុង​ឡុងដ៍ៈក្នុង​សេចក្តី​ថ្លែង​ការណ៍​ជា​សាធារណៈ​ដំបូងរបស់​នាង​ដែល​គេ​បាន​ចេញ​ផ្សាយ​កាល​ពី​ថ្ងៃ​ចន្ទ យុវតី ម៉ាឡាឡា យូសាហ្វហ្សៃ សិស្ស​ប៉ាគីស្ថាន​ដែល​ត្រូវ​ក្រុម​តាលីបង់​បាញ់​ចំ​ក្បាល​ដោយ​សារ​តែ​ការ​ធ្វើ​យុទ្ធនាការ​ដើម្បី​ការ​សិក្សា​អប់រំ​ក្មេង​ស្រី បាន​និយាយ​ថា នាង​កំពុង​តែ​ប្រសើរ​ឡើង​ហើយ​។ ក្នុង​សារ​ជា​ខ្សែ​វីដេអូ ដែល​គេ​បាន​ចេញ​ផ្សាយ​មុន​នាង​ធ្វើ​ការ​វះ​កាត់​លើ​លលាដ៍​ក្បាល​កាល​ពីថ្ងៃ​សៅរ៍ យុវតីវ័យ​១៥​ឆ្នាំ​រូប​នេះ បាន​និយាយ​ថា៖«ថ្ងៃ​នេះ​អ្នក​អាច​មើល​ឃើញ​ថាខ្ញុំ​នៅ​រស់​។​ខ្ញុំ អាច​និយាយ​ថា​ខ្ញុំ​អាច​ឃើញ​អ្នក​។ ខ្ញុំ​អាច​ឃើញ​មនុស្ស​គ្រប់ៗ​គ្នា​។ ពី​មួយ​ថ្ងៃ​ទៅ​មួយ​ថ្ងៃ​ខ្ញុំ​កំពុង​ជា​សះ​ស្បើយ» ដោយ​និយាយ​ជា​ភាសា​អង់គ្លេស​យ៉ាង​ច្បាស់ៗ​នាងបាន​និយាយ​ថា​៖ «ដោយ​សារ​តែ​ការបួង​សួង​របស់​ប្រជា​ពលរដ្ឋ​ខ្ញុំ​មាន​ថ្ងៃ​នេះ។ ដោយ​សារ​ប្រជាជន​ទាំង​អស់មាន​បុរស ស្រ្តី កុមារ អ្នក​ទាំង​អស់​គ្នា បាន​សូត្រ​ធម៌​ដើម្បី​ខ្ញុំ​។ នាង​បាន​បន្ត​ថា​៖ «ដោយ​សារ​តែ​ការ​បួង​សួង​ទាំង​នេះ ព្រះ​បាន​ផ្តល់​ជីវិត​ថ្មី​ឲ្យ​ខ្ញុំ គឺ​ជីវិត​ទី​ពីរ​ហើយ​ខ្ញុំ​ចង់​បម្រើ​។ ខ្ញុំ​ចង់​បម្រើ​ពលរដ្ឋ​វិញ​។ ខ្ញុំ ចង់​ឲ្យ​ក្មេង​ស្រី​គ្រប់​រូប កុមារ​គ្រប់​រូបទទួល​បាន​ការ​អប់រំ​។ ដើម្បី​ហេតុ​ផល​នោះ យើង បាន​បង្កើត​មូល​និធិ​ម៉ាឡាឡា​» ក្នុង​ការ​វាយ​ប្រហារ​មួយ​ដែល​បាន​ទាក់​ទាញ​ការ​ថ្កោល​ទោស​ទូទាំង​ពិភពលោក ខ្មាន់​កាំ​ភ្លើង​តាលីបង់ បាន​បាញ់​ប្រហារ​នាង​ម៉ាឡាឡា ក្នុង​គម្លាត​ជិត​បំផុត ខណៈ​រថយន្ត​ក្រុង​សាលា​របស់​នាង បាន​ធ្វើ​ដំណើរ​ឆ្លង​កាត់​ជ្រលង​ភ្នំ​ស្វាត់​របស់​ប៉ាគីស្ថានកាល​ពី​ថ្ងៃ​ទី​៩ តុលា​។ ក្រុម​គ្រូ​ពេទ្យ​វះកាត់​នៅ​ប៉ាគីស្ថានបាន​សង្គ្រោះជីវិត​នាង​ជាមួយ​នឹង​ការ​វះកាត់​ជំហាន​ដំបូង​ដើម្បី​កាត់​បន្ថយ​សម្ពាធ​លើ​ខួរ​ក្បាល​របស់​នាង​មុន​ពេល​នាង​ត្រូវ​បាន​បញ្ជូន​តាម​ជើង​យន្ត​ហោះ​ទៅ​ប្រទេស​អង់គ្លេស​ដើម្បី​ព្យាបាល​បន្ត៕ NR

អត្ថបទគួរចាប់អារម្មណ៍