The Phnom Penh Post Search

Search form




Logo of Phnom Penh Post newspaper Phnom Penh Post - ក្មេង​បារាំង ​១៤ នាក់ និង​ហូឡង់ ២ នាក់ ​ធ្វើ​មាតុភូមិ​និវត្តន៍​ចេញ​ពី​ប្រទេស ស៊ីរី​

ក្មេង​បារាំង ​១៤ នាក់ និង​ហូឡង់ ២ នាក់ ​ធ្វើ​មាតុភូមិ​និវត្តន៍​ចេញ​ពី​ប្រទេស ស៊ីរី​

Content image - Phnom Penh Post
អ្នកស្រី Christine Morin និយាយ​អំពី​កូន​ប្រុស​គាត់​ចូល​រួម​ជាមួយ​ក្រុម​ជីហាដ។ AFP

ក្មេង​បារាំង ​១៤ នាក់ និង​ហូឡង់ ២ នាក់ ​ធ្វើ​មាតុភូមិ​និវត្តន៍​ចេញ​ពី​ប្រទេស ស៊ីរី​

ក្រុង​ប៉ារីសៈ​ ក្រសួង​ការ​បរទេស​បាន​ថ្លែង​នៅ​ក្នុង​ទីក្រុង​ប៉ារីស​​ថា ​ក្មេង​ជីហាដ​ជនជាតិ​បារាំង ​១២ ​នាក់​ ភាគ​ច្រើន​ក្នុង​ចំណោម​ពួក​គេ​ គឺ​ជា​កូន​កំព្រា​ដែល​បាន​ជិះ​យន្តហោះ​ត្រឡប់​មក​ផ្ទះ​វិញ​កាល​ពី​ថ្ងៃ​ចន្ទ​ បាន​ចេញ​ពី​ជំរំ​នៅ​ប្រទេស ​ស៊ីរី​ ជាមួយ​ក្មេង​កំព្រា​ជនជាតិ​ហូឡង់ ​២ ​នាក់​ទៀត​ ដែល​ត្រូវ​បាន​គេ​ប្រគល់​ទៅ​ឲ្យ​ហូឡង់​វិញ​។

ក្រសួង​ការ​បរទេស​​បារាំង​បាន​ថ្លែង​ថា ​ការ​ធ្វើ​មាតុ​ភូមិ​និវត្តន៍​របស់​ក្រុម​ក្មេង​បរទេស​ចុង​ក្រោយ​ ​ចេញ​ពី​ស៊ីរី​ភាគ​ឦសាន ​ដែល​ជាប់​ទាក់ទង​ទៅ​នឹង​ក្រុម​ក្មេង​មួយ​ក្រុម ​ដែល​ត្រូវ​បាន​គេ «បំបែក​ឲ្យ​នៅ​ដាច់​ដោយ​ឡែក​ពី​គ្នា ​និង​ធ្វើ​ឲ្យ​ឈឺ​ចាប់​យ៉ាង​ខ្លាំង​» ​ដោយ​បាន​បន្ថែម​ថា ​ក្មេង​មួយ​ចំនួន​បាន​ធ្លាក់​ខ្លួន​ឈឺ​ និង​ទទួល​ទាន​អាហារ​មិន​បាន​​គ្រប់គ្រាន់​។​

ចាប់​តាំង​ពី​ការ​ដួល​រលំ​នៃ ​«រដ្ឋ​កាលិហ្វ​» ​របស់​ក្រុម​រដ្ឋអ៊ិស្លាម​កាល​ពី​ខែ​មីនា​ សហគមន៍​អន្តរជាតិ ​ត្រូវ​បាន​ហែក​ហួរ​គ្នា​អំពី​អ្វី​ដែល​ពួក​គេ​ត្រូវ​ធ្វើ​ការ​ជាមួយ​ក្រុម​គ្រួសារ​ជីហាដ​បរទេស​មួយ​ចំនួន​ ដែល​បាន​ចាប់​ខ្លួន​ឬ​សម្លាប់​នៅ​ក្នុង​ទឹក​ដី​ប្រទេស ​ស៊ីរី ​និង​អ៊ីរ៉ាក់​។​

យោង​តាម​ក្រុម​មន្ត្រី​ឃើដ​នៅ​ស៊ីរី​បាន​ឲ្យ​ដឹង​ថា​ ក្មេង​ជនជាតិ​បារាំង ​១២ ​នាក់​ អ្នក​ធំ​ជាង​គេ​មាន​អាយុ ​១០ ​ឆ្នាំ​ ហើយ​ពួក​គេ​​បាន​ស្នាក់នៅ​ក្នុង​ជំរំ​ប្រក់​តង់ ​២ ​កន្លែង ​មាន​មនុស្ស​រាប់​ម៉ឺន​នាក់​ ដែល​បាន​រត់​ភៀស​ខ្លួន​ចេញ​ពី​ការ​ប្រយុទ្ធ​គ្នា​កាល​ពី​ពេល​ថ្មីៗ​ប្រឆាំង​ក្រុម​រដ្ឋ​អ៊ិស្លាម​។​

មន្ត្រី​ជាន់​ខ្ពស់​ឃើដ​ លោក ​Abdelkarim Omar ​បាន​ថ្លែង​ថា ​ពួក​ក្មេង​ទាំង​នោះ ​ត្រូវ​បាន​គេ​ប្រគល់​ទៅ​ឲ្យ​ក្រុម​តំណាង​របស់​​ប្រទេស ​បារាំង ​និង​ហូឡង់ ​ដោយ​ក្រុម​អាជ្ញាធរ​ឃើដ​នៅ​ស៊ីរី​។​

ក្មេង​ជនជាតិ​បារាំង ​១០ ​នាក់​ គឺ​ជា​ក្មេង​កំព្រា ​និង ​២ ​នាក់​ផ្សេង​ទៀត ​«​រង​នូវ​ការ​ឈឺ​ចាប់​យ៉ាង​ខ្លាំង​» ​ក្មេង​ស្រី​ម្នាក់​អាយុ ​១០ ​ឆ្នាំ ​និង​ម្នាក់​ទៀត​អាយុ​ត្រឹម​ ៣ ​ឆ្នាំ​ប៉ុណ្ណោះ​ ដែល​បាន​ធ្វើ​ដំណើរ​ជាមួយ​ម្តាយ​របស់​ពួក​គេ​ឈ្មោះ​ Saida El Ghaza​ ជា​ជនជាតិ​ម៉ារ៉ុក​ ដែល​បាន​យល់ព្រម​ឲ្យ​គេ​បំបែក​ចេញ​ពី​ពួក​គេ​នោះ​។​

ការ​ផ្ទេរ​ក្រុម​ក្មេង​ទាំង​នោះ ​ដែល​បាន​ធ្វើ​ឡើង​កាល​ពី​ថ្ងៃ​អាទិត្យ​នៅ​ក្នុង​ទីក្រុង​ Ain Issa ​នៅ​ក្បែរ​ព្រំដែន​ប្រទេស ​ស៊ីរី​ និង​ប្រទេស ​តួកគី​ គឺ​ជា​ជំហាន​ចុង​ក្រោយ​បំផុត​នៅ​ក្នុង​កិច្ច​ខំ​ប្រឹងប្រែង​ ដើម្បី​ដោះ​ស្រាយ​បញ្ហា​ដែល​បាន​រៀបចំ​ធ្វើ​ឡើង​ដោយ​ក្រុម​បណ្តា​ប្រទេស​មួយ​ចំនួន​ធំ​ ដែល​បាន​ជាប់​គាំង​នៅ​ក្នុង​ជំរំ​ជា​ច្រើន​នៅ​ប្រទេស ​ស៊ីរី​៕ AFP/SK

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។