The Phnom Penh Post Search

Search form

ក្មេង​រ៉ូហ៊ីងយ៉ា ៦០ ម៉ឺននាក់​នឹង​ភៀស​ខ្លួន​ចេញ​ពី​មីយ៉ាន់ម៉ា​ ទៅ​បង់ក្លាដែស

Content image - Phnom Penh Post
ទាហាន​ព្រំដែន​បង់ក្លាដែសឈរ​យាម​ល្បាត​ជំរំ Jalpatoli ក្នុង​តំបន់​គ្មាន​មនុស្ស​រស់នៅ។ AFP

ក្មេង​រ៉ូហ៊ីងយ៉ា ៦០ ម៉ឺននាក់​នឹង​ភៀស​ខ្លួន​ចេញ​ពី​មីយ៉ាន់ម៉ា​ ទៅ​បង់ក្លាដែស

ក្រុងកូបាហ្សារ: អង្គការ​ផ្តល់​ជំនួយ​មួយ​បាន​ព្រមាន​កាល​ពី​ថ្ងៃ​អាទិត្យ​ថា​ក្មេង​ជនជាតិ​រ៉ូហ៊ីងយ៉ា​ប្រហែល ៦០ ម៉ឺន​នាក់​អាច​ភៀស​ខ្លួន​ទៅ​បង់ក្លាដែស​នៅ​បំណាច់​ឆ្នាំ​នេះ ដោយ​មាន​ទំហំ​នៃ​វិបត្តិ​មនុស្សធម៌ បង្ក​ឡើង​ដោយ​អំពើហិង្សា​នៅ​ក្នុង​រដ្ឋ​រ៉ាក់ឃីន​ប្រទេស​មីយ៉ាន់ម៉ា។

ក្រុម​ជន​មូស្លីម​រ៉ូហ៊ីងយ៉ា​ជាង ៤០ ម៉ឺន​នាក់​ឥឡួវ​នេះ បាន​ទៅ​ដល់​បង់ក្លាដែស ចេញ​ពី​ទឹកដី​មាតុភូមិ​របស់​ពួកគេ ដែល​មាន​ពលរដ្ឋ​ភាគ​ច្រើន​ជាអ្នក​កាន់​ព្រះពុទ្ធ​សាសនា​ក្នុង​គោលបំណង​គេច​ខ្លួនពី​អំពើហិង្សា ដែល​អង្គការ​សហប្រជាជាតិ​ថា អាច​នាំ​ទៅ​រកការ​បោស​សម្អាត​ពូជសាសន៍។

យោង​តាម​ប្រភព​ព័ត៌មាន​ពី​អង្គការ​សហប្រជាជាតិ​បាន​ឲ្យដឹង​ថា ក្រុម​ជនភៀសខ្លួន​ជាង ៥០ ភាគរយ គឺជា​ក្មេងៗ និង​ក្រុម​មនុស្ស​ជាង ១ ពាន់ ១ រយនាក់​បាន​មក​ដល់​ដោយ​គ្មាន​ការជួយ​អន្តរាគមន៍ បន្ទាប់​ពី​ធ្វើ​ដំណើរ​តាមផ្លូវ​ភក់ និង​ឆ្លងកាត់​តំបន់​ភ្នំ​អស់​រយៈពេល​ជាច្រើន​ថ្ងៃ​រួចមក។

យោងតាម​ប្រភព​ព័ត៌មាន​ពី​ទីភ្នាក់ងារ​អង្គការ​សហប្រជាជាតិ​លោក Mark Pierce ប្រធាន​អង្គការ Save the Children ប្រចាំ​បង់ក្លាដែស បាន​ថ្លែង​ថា៖ «តួលេខ​នោះ អាច​កើន​ឡើង​លើស​ពី​មួយ​លាន​នាក់​នៅ​ដំណាច់​ឆ្នាំ ប្រសិន​បើ​ចំនួន​ដែល​ហូរ​ចូល​នៅ​តែ​បន្ត​រួមទាំង​ក្រុម​ក្មេងៗ​ប្រហែល ៦០ ម៉ឺន​នាក់​ទៀត» នោះ។

អង្គកា​រសហប្រជាជាតិ បាន​ថ្លែង​ផងដែរ​ថា ក្រុម​ជន​រ៉ូហ៊ីងយ៉ា​ប្រហែល ១,១ លាននាក់ អាច​ភៀសខ្លួន​ពី​រដ្ឋ​រ៉ាក់ឃីន។ ក្រុម​ទីភ្នាក់ងារ​ផ្តល់​ជំនួយ​បង់ក្លាដែស នៅ​តែ​បន្ត​ដោះស្រាយ​បញ្ហា​ក្រុម​ជន​រ៉ូហ៊ីងយ៉ា៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។