.jpg)
កាលពីថ្ងៃសៅរ៍ ទី ២០ កុម្ភៈ រដ្ឋមន្ត្រីក្រសួងសុខាភិបាលអាហ្សង់ទីន លោក Carla Vizzotti បានសន្យានឹងមានការចែកចាយវ៉ាក់សាំងកូវីដ ១៩ ឱ្យមានភាពស្មើគ្នានៅក្នុងប្រទេស។ លោក Carla Vizzotti បានស្បថចូលកាន់តំណែងជារដ្ឋមន្ត្រីក្រសួងសុខាភិបាលថ្មី ក្រោយពីលោក Gines Gonzalez Garci លាចេញពីតំណែងកាលពីថ្ងៃទី ១៩ កុម្ភៈ ក្រោយពីមានរឿងអាស្រូវទាក់ទងនឹងការចែកចាយវ៉ាក់សាំងមិនស្មើភាពគ្នា។
ការលាចេញពីតំណែងរបស់លោក Gines Gonzalez Garci គឺបន្ទាប់ពីមានរឿងទាក់ទងនឹងការចែកចាយវ៉ាក់សាំងមិនស្មើភាពគ្នា។ រឿងអាស្រូវនេះកើតមានឡើង បន្ទាប់ពីមានអ្នកសារព័ត៌មានម្នាក់បាននិយាយនៅក្នុងកម្មវិធីវិទ្យុមួយថា លោកទទួលបានការចាក់វ៉ាក់សាំងរួចហើយដោយសារលោកស្គាល់រដ្ឋមន្ត្រីក្រសួងសុខាភិបាល។
នៅប្រទេសអាហ្សង់ទីន អ្នកដែលមានសិទ្ធិអាទិភាពទទួលបានការចាក់វ៉ាក់សាំងកូវីដ ១៩ គឺមានតែអ្នកដែលបម្រើការក្នុងវិស័យសុខាភិបាលតែប៉ុណ្ណោះ៕
