ក្រុងបេរូតៈ ក្រុមឃ្លាំមើលសិទ្ធិមនុស្ស (HRW) បានថ្លែងនៅថ្ងៃព្រហស្បតិ៍នេះថា ការវាយប្រហារដោយយកជនស៊ីវិលជាគោលដៅនៅក្នុងអំឡុងយុទ្ធនាការស៊ីរី-រុស្ស៊ី នៅខេត្តអ៊ីដលីបកាន់កាប់ដោយឧទ្ទាមនៅស៊ីរី អាចក្លាយជាអំពើឧក្រិដ្ឋកម្មប្រឆាំងមនុស្សជាតិ ដោយបានអំពាវនាវឲ្យមានទណ្ឌកម្មប្រឆាំងក្រុមមេបញ្ជាការជាន់ខ្ពស់។
ក្រុមឃ្លាំមើលសិទ្ធិមនុស្សនេះបានចេញផ្សាយរបាយការណ៍មួយមាន ១៦៧ទំ ព័រមាន ចំណងជើងថា យកជីវិតជនស៊ីវិលនៅក្នុងខេត្តអ៊ីដលីបជាគោលដៅ «Targeting Life in Idlib» ដែលមានការវាយប្រហារផ្លូវអាកាស ៤៦ លើក និងការវាយប្រហារថ្នើរជើងបណ្តាលឲ្យជនស៊ីវិលស្លាប់ជាច្រើននៅក្នុងខេត្តនេះ។
HRW បានថ្លែងថាការវាយប្រហារទាំងនោះ គឺអំពើឧក្រិដ្ឋកម្មសង្គ្រាមយ៉ាងច្បាស់ និងអាចជាអំពើឧក្រិដ្ឋកម្មប្រឆាំងមនុស្សជាតិ។
យោងតាម HRW បានឲ្យដឹងថាយោធាស៊ីរីនិងសម្ព័ន្ធមិត្តរុស្ស៊ីរបស់ខ្លួនបានធ្វើវាយប្រហាររចន្លោះពីមេសា ឆ្នាំ ២០១៩ និងខែមីនា ឆ្នាំ ២០២០ ដោយបានបណ្តាលឲ្យជនស៊ីវិលយ៉ាងតិច ២២៤ នាក់ស្លាប់៕ PSA