.jpg)
បន្ទាប់ពីកិច្ចពិភាក្សារយៈពេល ២ ថ្ងៃនៅទីក្រុង Cairo ក្រុមប្រឆាំងប៉ាឡេស្ទីនជាច្រើនរួមទាំង គណបក្ស ហ្វាតា និងក្រុមហាម៉ាស ដែលបានប្រកាសនៅល្ងាចថ្ងៃអង្គារនេះថា ពួកគេបានឈានដល់កិច្ចព្រមព្រៀងលើបញ្ហាមួយចំនួនទាក់ទងនឹងការបោះឆ្នោតទូទៅនាពេលខាងមុខ។
ទោះជាយ៉ាងណាក្រុមនេះមិនទាន់ឈានដល់កិច្ចព្រមព្រៀងស្តីពីការបញ្ចប់ការប្រេះឆារវាង គណបក្សហ្វាតា និងក្រុមហាម៉ាស នៅឡើយទេ។
ផ្ទុយទៅវិញយន្តការថ្មីនេះនឹងសំរេចចិត្តបង្កើតគណៈកម្មាធិការមួយដែលនឹង «ដោះស្រាយនូវផលវិបាកនៃការបែងចែកទឹកដី វេសប៊ែង (West Bank) និងហ្គាហ្សាស្ទ្រីប (Gaza Stript) ក្នុងគ្រប់ទិដ្ឋភាពបែបមនុស្សសាស្រ្តសង្គម និងបែបផ្លូវច្បាប់»។
គណៈកម្មាធិការនឹងបញ្ជូនរបាយការណ៍របស់ខ្លួនទៅប្រធានអាជ្ញាធរប៉ាឡេស្ទីនលោក Mahmoud Abbas ដែលនឹងបញ្ជូនបន្តទៅឱ្យរដ្ឋាភិបាលនិងរដ្ឋសភាថ្មីសម្រាប់ការអនុវត្តបន្ទាប់ពីការបោះឆ្នោត៕
