.jpg)
ប្រសិតពិសេសអង្គការសហប្រជាជាតិប្រចាំនៅស៊ីរី លោក Geir Pedersen ថ្លែងទៅកាន់ក្រុមអ្នកកាសែត។ AFP
ក្រុងដាម៉ាសៈទីភ្នាក់ងារសារព័ត៌មានរដ្ឋ SANA បានរាយការណ៍ថា រ៉ុកក្កែត ៥ គ្រាប់ ដែលត្រូវបានបាញ់ដោយក្រុមជីហាដកាលពីថ្ងៃអាទិត្យ បានបណ្តាលឲ្យជនស៊ីវិល ៦ នាក់ស្លាប់ និង ៨ នាក់ផ្សេងទៀតរងរបួសនៅក្នុងទីក្រុងអាឡិបប៉ូភាគខាងជើងគ្រប់គ្រងដោយរដ្ឋាភិបាល។
ទីភ្នាក់ងារសារព័ត៌មាននោះ បាននិយាយថា ជនស៊ីវិល២នាក់នៅជុំវិញនោះ បានរងរបួសនៅក្នុងការវាយប្រហារដោយ «គ្រាប់រ៉ុកក្កែតរបស់ក្រុមភេរវកម្ម» ហើយរ៉ុក្កែតមួយគ្រាប់នោះ បានវាយប្រហារចំអគារសាលាក្រុងនៅក្នុងទីក្រុង ដែលរបបស៊ីរីបានដណ្តើមយកមកគ្រប់គ្រងវិញទាំងស្រុងកាលពីចុងឆ្នាំ ២០១៦។
ក្រុមឃ្លាំមើលសិទ្ធិមនុស្សស៊ីរីមានមូលដ្ឋាននៅអង់គ្លេស បានបញ្ជាក់អះអាងចំនួនអ្នកស្លាប់ទាំងនោះ។
ប្រមុខសិទ្ធិមនុស្សលោក Rami Abdel Rahman ដែលបានថ្លែងថា ចំនួនអ្នកស្លាប់អាចកើនឡើង ដោយសារអ្នករងរបួសមួយចំនួនស្ថិតនៅក្នុងស្ថានភាពយ៉ាងធ្ងន់ធ្ងរ។
លោក Abdel Rahman បានថ្លែងថា៖ «ក្រុមជីហាដនៅខេត្តអាឡិបប៉ូភាគខាងលិច បានយកទីក្រុងនោះជាគោលដៅវាយប្រហារចាប់តាំងពីព្រឹកព្រលឹម»៕ SK
