.jpg)
បុគ្គលិកពេទ្យសែងអ្នករងរបួសនៅខាងក្រៅមន្ទីរពេទ្យ។ AFP
ក្រុងកាប៊ុលៈ មនុស្សយ៉ាងតិច ៣នាក់ ត្រូវបានស្លាប់ នៅពេលអ្នកវាយប្រហារអត្តឃាត បានចុចបំផ្ទុះខ្លួនឯងកាលពីថ្ងៃចន្ទ នៅក្នុងក្រុងកាប៊ុល នៅក្បែរទីដែលពលរដ្ឋអាហ្វហ្គានីស្ថាន រាប់សិបនាក់ កំពុងធ្វើការប្រឆាំងការវាយប្រហាររបស់ក្រុមតាលីបង់ទៅលើក្រុមកុលសម្ព័ន្ធជនជាតិភាគតិចហាហ្សារ៉ា។
អ្នកនាំពាក្យក្រសួងសុខាភិបាលលោកWahidMajroh បានថ្លែងថា មនុស្ស៨នាក់ផ្សេងទៀត បានរងរបួសនៅក្នុងការបំផ្ទុះនៅខាងមុខវិទ្យាល័យមួយនៅតំបន់ទីប្រជុំជននៃរដ្ឋធានីក្រុងអាហ្វហ្គានីស្ថាន។
រូបថតមួយសន្លឹក ត្រូវបានគេចែករំលែកយ៉ាងព្រោងព្រាតនៅតាមបណ្តាញWhatsApp បានបង្ហាញឲ្យឃើញសាកសពជាច្រើន ដេកនៅលើដី។
អ្នកនាំពាក្យរងក្រសួងមហាផ្ទៃលោកNasratRahimi បានថ្លែងថា៖«អ្នកវាយប្រហារអត្តឃាតនោះ បានធ្វើដំណើរដោយថ្មើរជើងដើរសំដៅទៅក្រុមអ្នកតវ៉ា ប៉ុន្តែអ្នកវាយប្រហារអត្តឃាតនោះ បានឈប់នៅកន្លែងប៉ុស្តិ៍ សន្តិសុខមួយកន្លែងនៅចម្ងាយប្រហែល២០០ម៉ែត្រពីកន្លែងនោះ»៕ SK
