.jpg)
នាយករដ្ឋមន្ត្រីចិនលោក លី កេឈាង ចូលរួមនៅក្នុងកិច្ចប្រជុំទី ៣ របស់សមាជិកនៃគណៈកម្មាធិការអចិន្ត្រៃយ៍បក្សកុម្មុយនីស្តចិន។ Xinhua
ក្រុងប៉េកាំងៈ ក្រុមមេដឹកនាំចិនជាន់ខ្ពស់កាលពីថ្ងៃសៅរ៍បានចូលរួមជាមួយក្រុមទីប្រឹក្សាគោលនយោបាយជាតិនៅក្នុងការពិភាក្សាក្រុមខុសៗគ្នា នៅឯកិច្ចប្រជុំទី ៣ នៃគណៈកម្មាធិការជាតិ សន្និសីទផ្តល់យោបល់គោលនយោបាយរបស់ប្រជាជនចិន (CPPCC)។
ក្រុមមេដឹកនាំទាំងនោះគឺមានលោក លី កេឈាង លោក លី ហ្សានស្ស៊ូ លោកវ៉ាង យ៉ាង លោក វ៉ាង ហ៊ូណិង លោក ហ្ស៊ាវ លីជី និងលោក ហាន ហ្ស៊េង ពួកគេទាំងអស់គឺជាសមាជិករបស់គណៈកម្មាធិការអចិន្ត្រៃយ៍នៃការិយាល័យគោលនយោបាយរបស់គណៈកម្មាធិការមជ្ឈិមបក្សកុម្មុយនីស្តចិន (CPC)។
លោកនាយករដ្ឋមន្ត្រីចិន លី កេឈាង បានបញ្ជាក់អំពីការពង្រឹងការអភិវឌ្ឍបច្ចេកទេសតេស្តឲ្យមានភាពងាយស្រួល និងប្រសិទ្ធភាព និងផលិតឱសថ និងវ៉ាក់សាំងប្រឆាំងជំងឺកូវីដ១៩ និងជំរុញឲ្យមានកិច្ចសហប្រតិបត្តិការអន្តរជាតិនៅក្នុងការទំនាក់ទំនង។
ដោយសង្កេតឃើញថា គណៈកម្មាធិការមជ្ឈិមបក្ស CPC ជាមួយសមមិត្ត ស៊ី ជីនភីង ជាមេដឹកនាំដ៏សំខាន់បំផុត ចំពោះបុព្វហេតុកិច្ចសហប្រតិបត្តិការពហុបក្សលោក លីហ្សានស្ស៊ូ ជាប្រធាននៃគណៈកម្មាធិការអចិន្ត្រៃយ៍សភាជាតិប្រជាជនចិនបានអំពាវនាវឲ្យគ្រប់គណកបក្សដែលមិនមែនជា CPC ដើម្បីចូលរួមយ៉ាងសកម្មមួយនៅក្នុងការសម្របសម្រួលគ្រប់គ្រងការឆ្លងរាលដាល និងសេដ្ឋកិច្ចក៏ដូចការអភិវឌ្ឍសង្គម។
លោក វ៉ាង យ៉ាង ជាប្រធាននៃគណៈកម្មាធិការជាតិ CPPCC បានបញ្ជាក់ពីគោលនយោបាយដ៏សំខាន់នៃ «ការបង្រួបបង្រួមសន្តិភាព» និង «ប្រទេស ១ ប្រព័ន្ធ ២» ដោយគាំទ្រឲ្យមានការឯកភាពគ្នាកាលពី ១៩៩២ ដែលបង្រួបបង្រួមឲ្យមានគោលនយោបាយចិនតែ ១៕ Xinhua/SK
