The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​មេ​ដឹកនាំ​​ពិភព​លោក​ស្នើ​ដល់ ​UN ជា​ថ្មី ​ឲ្យ​កែ​ទម្រង់​​ក្រុមប្រឹក្សា​សន្តិសុខ​




ក្រុម​មេ​ដឹកនាំ​​ពិភព​លោក​ស្នើ​ដល់ ​UN ជា​ថ្មី ​ឲ្យ​កែ​ទម្រង់​​ក្រុមប្រឹក្សា​សន្តិសុខ​

Content image - Phnom Penh Post
លោក​ប្រធានាធិបតីមុិកស៊ិក​ Manuel Lopez Obrador ថ្លែង​ក្នុងអំឡុង​កិច្ច​ពិភាក្សានៃ​មហាសន្និបាត UN។ AFP

ក្រុម​មេ​ដឹកនាំ​​ពិភព​លោក​ស្នើ​ដល់ ​UN ជា​ថ្មី ​ឲ្យ​កែ​ទម្រង់​​ក្រុមប្រឹក្សា​សន្តិសុខ​

បុរីញូវយ៉ក៖​ ក្រុម​មេ​ដឹកនាំ​ពិភព​លោក​បាន​ស្នើ​ដល់​អង្គការ​សហប្រជាជាតិ​ជា​ថ្មី​ឲ្យ​ធ្វើ​ការ​កែ​ទម្រង់​ក្រុមប្រឹក្សា​សន្តិសុខ​នេះ​ ដោយ​ធ្វើ​ឲ្យ​កិច្ច​ប្រឹងប្រែង​មួយ ​ដែល​បាន​ចាប់​​ផ្តើម ​១៥ ​ឆ្នាំ​កន្លង​ទៅ​នោះ​ ដំណើរ​ការ​ឡើង​វិញ។ ​

ប៉ុន្តែ​ឱកាស​នៃ​ការ​ផ្លាស់ប្តូរ​អង្គការ​ពិភព​លោក​ ដែល​ជា​ស្ថាប័ន​ដ៏​មាន​ឥទ្ធិពល​មួយ​នេះ ត្រូវ​បាន​មើល​ឃើញ​ជិត​ឈាន​ដល់​ចំណុច​សូន្យ​ហើយ ដោយ​ក្រុម​អ្នក​ជំនាញ​ដែល​មើល​ឃើញ​ថា​​មាន​ការ​លើក​ទឹក​ចិត្ត​តិចតួច​ពី​សមាជិក​អចិន្រៃ្តយ៍​ទាំង ៥ ​ដើម្បី​អនុញ្ញាត​ឱ្យ​អ្នក​ដទៃ​ទៀត​ចូលរួម​។

ចក្រភព​អង់គ្លេស ​ចិន ​បារាំង ​រុស្ស៊ី​ និង​អាមេរិក ​មាន​អាសនៈ​អចិន្រៃ្តយ៍​​នៅ​ក្រុម​ប្រឹក្សា​នេះ ​ជា​ការ​រៀបចំ​មួយ​ដែល​បង្ហាញ​ពី​កម្លាំង​នយោបាយ​ភូមិសាស្ត្រ​ នៅ​ពេល​បង្កើត​អង្គការ​សហប្រជាជាតិ​ ក្រោយ​ពី​សង្គ្រាម​លោក​លើក​ទី​២ ​ចប់។​

ក្រុម​ចម្រុះ​មួយ​នៃ​ប្រទេស​ចំនួន ​៤ ​គឺ​ប្រេស៊ីល ​អាល្លឺម៉ង់​ ឥណ្ឌា​ និង​ជប៉ុន​កាល​ពី​ថ្ងៃ​អង្គារ​បាន​បន្ត​យុទ្ធនាការ​របស់​ខ្លួន ​ដើម្បី​ឱ្យ​មាន​ការ​រួប​រួម​គ្នា​។

ដោយ​មាន​ការ​​បន្ថែម​ថា ​G4 ​នឹង​ធានា​ថា ​ក្រុមប្រឹក្សា​នេះ​នឹង​បញ្ចូល​ប្រទេស​សេដ្ឋកិច្ច​ធំ​បំផុត​របស់​អឺរ៉ុប​គឺ ​(អាល្លឺម៉ង់​) ​ជា​ប្រទេស​សេដ្ឋកិច្ច​អភិវឌ្ឍន៍​ធំ​បំផុត​ទី​២ ​របស់​ពិភព​លោក​ និង​ប្រទេស​ផ្តល់​វិភាគទាន​ធំ​បំផុត​របស់​អង្គការ​សហប្រជាជាតិ​ គឺ ​(ជប៉ុន) និង​ប្រទេស​​ដែល​មាន​ប្រជាជន​ច្រើន​បំផុត​ទី២ ​របស់​ពិភព​លោក​ (ឥណ្ឌា​) ​និង​​ប្រទេស​ដែល​មាន​ប្រជាជន​ច្រើន​បំផុត​នៅ​អាមេរិកឡាទីន ​(ប្រេស៊ីល)។

រដ្ឋមន្ត្រី​ការ​បរទេស​ចំនួន ​៤ ​របស់​ពួក​គេ​បាន​ថ្លែង​នៅ​ក្នុង​សេចក្តី​ថ្លែង​ការណ៍​រួម​ជាមួយ​កិច្ច​ពិភាក្សា​តាម​វីដេអូ​ខុនហ្វើរិន​នៅ​ក្រៅ​សង្វៀន​នៃ​មហាសន្និបាត ​UN ​ដែល​ត្រូវ​បាន​រៀបចំ​ឡើង​នៅ​ឆ្នាំ​នេះ​ ដោយសារ​ជំងឺ​កូវីដ ​១៩ ​ថា​៖ ​«ពិភព​លោក​បច្ចុប្បន្ន​នេះ​ ពិត​​ជា​ខុស​ពី​អ្វី​ដែល​នៅ​ពេល​អង្គការ​​សហប្រជាជាតិ​ ត្រូវ​បាន​បង្កើត​ឡើង​កាល​ពី ​៧៥ ​ឆ្នាំ​កន្លង​ទៅ​»។

ពួក​គេ​បាន​ថ្លែង​ថា៖ ​«ប្រសិន​បើ​យើង​​​​ប្រឹងប្រែង​ធ្វើ​ការ​កែទ​ម្រង់​ក្រុម​ប្រឹក្សា​សន្តិសុខ ​តើ​យើង​នឹង​បញ្ឈប់​វា​ពី​​ការ-​ត្រូវ​គេ​បោះបង់​ចោល​ដែរ​ឬ​ទេ​?»​។

ប៉ុន្តែ​ដើម្បី​បញ្ចូល​ប្រទេស​បន្ថែម​ទៀត​នៅ​ក្នុង​កិច្ច​ប្រឹងប្រែង​នេះ សមាជិក​​អចិន្រៃ្តយ៍​ទាំង ​៥ ​នោះ នឹង​កាត់​បន្ថយ​ឋានៈ​ផ្ទាល់​របស់​ពួក​គេ​។

លោក Andrew Bacevich ​សាស្ត្រាចារ្យ​ផ្នែក​ទំនាក់ទំនង​អន្តរជាតិ​ និង​ប្រវត្តិសាស្ត្រ​នៅ​សាកល​វិទ្យាល័យ​បូស្តុន​បាន​ថ្លែង​ថា៖ ​«ឱកាស​នៃ​ការ​ធ្វើ​កំណែ​ទម្រង់​​ក្រុម​ប្រឹក្សា​សន្តិសុខ​របស់ UN នេះ ស្ទើរ​តែ​គ្មាន​ទៅ​ហើយ​»។

លោក ​Andrew Bacevich ​បាន​ថ្លែង​ថា៖ ​«​ហេតុ​ផល​ដែល​ថា សំណើ​សុំ​កំណែ​ទម្រង់​ក្រុមប្រឹក្សា​សន្តិសុខ​ ដែល​ប្រទេស​ភាគ​ច្រើន​កំពុង​គាំទ្រ​នេះ បាន​បញ្ជាក់​យ៉ាង​ច្បាស់ ដោយ​​បាន​ធ្វើ​ការ​​អំពាវនាវ​ដល់​ប្រទេស​សមាជិក​អចិន្រៃ្តយ៍​របស់​អង្គការ​សហប្រជាជាតិ​ទាំង​អស់​​បន្ធូរ​បន្ថយ​អំណាច​របស់​ពួក​គេ»៕ AFP/PSA

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។