.jpg)
កាលពីថ្ងៃចន្ទ ទី ៨ មីនា ក្រុមហ៊ុនផលិតឱសថស្វ៊ីស Adienne Pharma & Biotech បានប្រកាសថា ពួកគេបានធ្វើកិច្ចព្រមព្រៀងជាមួយ មូលនិធិវិនិយោគផ្ទាល់រុស្ស៊ី (RDIF) ដើម្បីផលិតវ៉ាក់សាំងកូវីដ ១៩ Sputnik V នៅរោងចក្ររបស់ពួកគេជិតទីក្រុង Milan ប្រទេសអ៊ីតាលី នាពេលឆាប់ៗនេះ។
លទ្ធផលដែលបានចេញផ្សាយនៅក្នុងទស្សនាវដ្ដីវេជ្ជសាស្ត្របង្ហាញថា វ៉ាក់សាំង Sputnik V របស់រុស្ស៊ីមានប្រសិទ្ធភាពប្រមាណ ៩២ ភាគរយ ការឆ្លងជំងឺកូវីដ ១៩ បន្ទាប់ពីការចាក់ចំនួន ២ ដូស។ វ៉ាក់សាំងនេះមានលក្ខណៈងាយស្រួលស្ដុកជាងវ៉ាក់សាំង Pfizer និង Moderna របស់អាមេរិក។
យ៉ាងហោចណាស់ប្រទេស ២០ ជុំវិញពិភពលោកបានធ្វើការអនុញ្ញាតឱ្យប្រើប្រាស់ក្នុងគ្រាអាសន្ន ហើយចាប់ផ្ដើមយុទ្ធនាការចាក់វ៉ាក់សាំងនេះ ប៉ុន្តែប្រទេសលោកខាងលិចភាគច្រើននៅមិនទាន់មានការទុកចិត្តសុវត្ថិភាពវ៉ាក់សាំងនេះនៅឡើយ៕
