.jpg)
ក្រុមហ៊ុនស្បែកជើង និងសំលៀកបំពាក់កីឡាអាមេរិក Nike បានរងការវាយប្រហារពាក្យសំដីពីអ្នកប្រើប្រាស់បណ្ដាញសង្គមចិន បន្ទាប់ពីការរកឃើញសេចក្ដីថ្លែងការណ៍ចេញដោយក្រុមហ៊ុននេះថា ពួកគេមាន «ការព្រួយបារម្ភ» ពីការរាយការណ៍ថា មានបង្ខំឱ្យធ្វើការកើតឡើងក្នុងតំបន់ស៊ីនជាំង (Xinjiang) ហើយនឹងឈប់ប្រើសំឡីកប្បាសផលិតក្នុងតំបន់នេះ។
កាលពីថ្ងៃព្រហស្បតិ៍ ទី ២៥ មីនា ប្រធានបទជុំវិញសេចក្ដីថ្លែងការណ៍របស់ក្រុមហ៊ុន Nike បានស្ថិតក្នុងចំណោមប្រធានបទទទួលការពិភាក្សាច្រើនជាងគេក្នុងបណ្ដាញសង្គម Weibo។ តារាភាពយន្តចិនដ៏មានប្រជាប្រិយភាពលោក Wang Yibo បានបញ្ចប់កិច្ចសន្យាជាអ្នកតំណាងឱ្យក្រុមហ៊ុន Nike ក្នុងការឆ្លើយតបទៅនឹងការរិះគន់លើបណ្ដាញសង្គម។
ស្រដៀងនឹងនេះ កាលពីដើមសប្ដាហ៍នេះ ក្រុមហ៊ុនសំលៀកបំពាក់ស៊ុយអែត H&M ក៏បានរងការវាយប្រហារពីអ្នកប្រើប្រាស់បណ្ដាញសង្គមផងដែរ ដោយពីពួកគេនិយាយដូចសេចក្ដីថ្លែងការណ៍របស់ Nike៕
