ក្រុមហ៊ុន SpaceX បានបង្ហោះ និងចុះចតយានអវកាស Starship ជាលើកទី ១ ដោយជោគជ័យកាលពីថ្ងៃពុធកន្លងទៅ ដើម្បីចុះចតអវកាសយានិកនៅលើភពព្រះចន្ទ និងបញ្ជូនមនុស្សទៅកាន់ភពព្រះអង្គារ។
ភាពជោគជ័យប្រព្រឹត្តទៅចំថ្ងៃរឭកខួបលើកទី ៦០ នៃការបង្ហោះអវកាសយានិកជនជាតិអាមេរិកដំបូងទៅលើឋានព្រះចន្ទគឺលោក Alan Shepard ។ ក្នុងរយៈពេល ២ សប្ដាហ៍កន្លងមកក្រុមហ៊ុន SpaceX បានទទួលជោគជ័យលើសមិទ្ធផលជាច្រើនគួរឱ្យកត់សម្គាល់រួមមានទាំង ការបង្ហោះអវកាសយានិកចំនួន ៤ នាក់បន្ថែមទៀតទៅកាន់ស្ថានីយអវកាសសម្រាប់អង្គការ NASA និងការដំណើរការនូវផ្កាយរណបសេវាអ៊ីនធឺណិតមួយចំនួនផងដែរ។
គួរបញ្ជាក់ផងដែរថា កាលពី ១ ខែកន្លងទៅ អង្គការ NASA បានជ្រើសរើសយានអវកាស Starship របស់ក្រុមហ៊ុន SpaceX ដើម្បីបញ្ជូនអវកាសយានិកទៅកាន់ភពព្រះចន្ទនាប៉ុន្មានឆ្នាំខាងមុខ។ កិច្ចព្រមព្រៀង ដែលមានទឹកប្រាក់ ៣ ពាន់លានដុល្លារត្រូវបានបញ្ចប់វិញកាលពីសប្តាហ៍មុន ក្រោយក្រុមហ៊ុន Blue Origin និង Dynetics របស់លោក Jeff Bezos បានប្រឆាំងនឹងការសម្រេចចិត្តរបស់ NASA៕