.jpg)
នាយករដ្ឋមន្ត្រីក្រិកលោក Alexis Tsipras ថ្លែងនៅក្នុងអំឡុងចុះហត្ថលេខារវាងក្រិក និងម៉ាសេដូនី។ AFP
ពីសូដឌឺរីៈ ក្រុមបាតុករក្រិក កាលពីថ្ងៃអាទិត្យ បានប៉ះទង្គិចជាមួយប៉ូលីសបង្ក្រាបកុបកម្ម ដែលបានវាយបំបែកពួកគេជាមួយនឹងឧស្ម័នបង្ហូរទឹកភ្នែកបន្ទាប់ពីក្រិក និងម៉ាសេដូនី បានឈានដល់ការចុះកិច្ចព្រមព្រៀងជាប្រវត្តិសាស្ត្រមួយ ដែលបានអូសបន្លាយអស់រយះពេល២៧ឆ្នាំមកហើយនោះ។
ក្រុមបាតុករ បានគ្រវីទង់ជាតិក្រិក ហើយបានព្យាយាមចូលទៅកន្លែង ចុះហត្ថលេខានៅក្បែរទន្លេ Lake Prespa។ ប៉ុន្តែក្រុមបាតុករ ត្រូវបានព័ទ្ធជុំវិញដោយប៉ូលីសនៅក្បែរភូមិតួចមួយឈ្មោះ ពីសូដឌឺរី ដែលមានចម្ងាយតែប៉ុន្មានគីឡូម៉ែត្រប៉ុណ្ណោះពីកន្លែងចុះហត្ថលេខានោះ។
ប៉ូលិសបង្ក្រាបបាតុករ បានរាំងផ្ទុបផ្លូវក្នុងភូមិមួយដែលជាផ្លូវត្រូវធ្វើដំណើទៅកាន់កន្លែងប្រារព្ធពិធីចុះហត្ថលេខា នោះខណៈដែលប៉ូលីសជាច្រើនទៀត បានចល័តនៅក្បែរតំបន់នោះ បានបាញ់ឧស្ម័នបង្ហូរទឹកភ្នែកទៅលើហ្វូងបាតុករផងដែរ។
អាជ្ញាធរ បានឲ្យដឹងថា មានមនុស្សប្រហែល៥០០នាក់ បានចូលរួមក្នុងការតវ៉ានេះ៕ NS
