.jpg)
ក្រុងយ៉ាំងហ្គោនៈ ទីភ្នាក់ងារជំនួយសុខាភិបាល «ពេទ្យគ្រូពេទ្យគ្មានព្រំដែន» (MSF) កាលពីថ្ងៃព្រហស្បតិ៍បានព្រមានពី«ភាពបន្ទាន់ខាងមនុស្សធម៌» មួយនៅ ភាគខាងលិចមីយ៉ាន់ម៉ា ដែលរងគ្រោះដោយជម្លោះ ដោយមនុស្ស រាប់ម៉ឺននាក់ មិនអាចទទួលបានការថែទាំសុខភាពដែលគេត្រូវការជាចាំបាច់។
MSF បាននិយាយថា ក្រុមខ្លួននៅលើមូលដ្ឋានក្នុងរដ្ឋរ៉ាក់ឃីន បានប្រឈមនឹងការគំរាមកំហែង អរិភាព និងការចោទប្រកាន់ពីការលម្អៀងទៅក្រុមអម្បូរភាគតិចមូស្លីម រ៉ូហ៊ីងយ៉ា។
យោងតាមក្រុមមនុស្សធម៌នោះ ដែលធ្លាប់ធ្វើការនៅក្នុងតំបន់នោះពីរទសវត្សរ៍មកហើយ ឲ្យដឹងថា ជនខ្ចាត់ព្រាត់ដែលកំពុងរស់នៅក្នុងជំរំបណ្តោះអាសន្ននៅក្នុងរដ្ឋ រ៉ាក់ឃីន ត្រូវបានគេកាត់ផ្តាច់ពីការថែទាំសុខភាព ទឹកស្អាត និងការផ្តល់ជំនួយមូលដ្ឋាន។
ក្នុងសេចក្តីថ្លែងការណ៍មួយ អគ្គនាយក MSF លោក Arjan Hehenkamp បាននិយាយថា៖ «វាគឺស្ថិតក្នុងចំណោមពលរដ្ឋដែលរស់នៅក្នុងជំរំបណ្តោះអាសន្នក្នុងវាលស្រែ ឬលើដីមួយប្រឡោះមានមនុស្សកកកុញដែល MSF កំពុងតែមើលឃើញពីតម្រូវការថែទាំសុខភាពចាំាបាច់បំផុត។ អសន្តិសុខដែលនៅតែកើតមាន និងការគំរាមកំហែងដដែលៗ និងការបំភិតបំភ័យពីក្រុមតូចមួយដែលមានវោហារ នៅក្នុងសហគមន៍រ៉ាក់ឃីន បានប៉ះពាល់យ៉ាងធ្ងន់ធ្ងរលើលទ្ធភាពរបស់យើង ដើម្បីផ្តល់ការថែទាំសង្គ្រោះជីវិតមនស្ស»។
មនុស្សជាង១០ម៉ឺន នាក់ ភាគច្រើនអម្បូរភាគតិចរ៉ូហ៊ីងយ៉ា បានខ្ចាត់ព្រាត់ និងរាប់សិបនាក់ទៀត ត្រូវបានគេសម្លាប់ ចាប់តាំងពីខែមិថុនា ឆ្នាំ២០១២ នៅរដ្ឋរ៉ាក់ឃីនក្នុងការផ្ទុះអំពើហិង្សាធំៗចំនួនពីរលើក រវាងពុទ្ធសាសនិក និងមូស្លីម ភាគច្រើនមានប្រភពមកពីអម្បូរភាគតិចរ៉ូហ៊ីងយ៉ា។
មីយ៉ាន់ម៉ា បានចាត់ទុកពលរដ្ឋអម្បូររ៉ូហ៊ីងយ៉ាងប្រមាណ៨០ម៉ឺននាក់ជាជន អន្តោប្រវេសន៍បង់ក្លាដែសខុសច្បាប់ ហើយនិងបាន បដិសេធមិនព្រមផ្តល់សញ្ជាតិជាពលរដ្ឋឲ្យពួកគេទេ៕ NR
Contact PhnomPenh Post for full article
Post Media Co LtdThe Elements Condominium, Level 7
Hun Sen Boulevard
Phum Tuol Roka III
Sangkat Chak Angre Krom, Khan Meanchey
12353 Phnom Penh
Cambodia
Telegram: 092 555 741
Email: webmasterpppost@gmail.com
