The Phnom Penh Post Search

Search form

Logo of Phnom Penh Post newspaper Phnom Penh Post - ក្រុម​មេ​ដឹក​នាំ​ថ្មី នៅ​អាហ្វ្រិក​កណ្តាល ជួប​បញ្ហា​សណ្តាប់​ធ្នាប់​បន្ទាប់​ពី​រដ្ឋ​ប្រហារ




ក្រុម​មេ​ដឹក​នាំ​ថ្មី នៅ​អាហ្វ្រិក​កណ្តាល ជួប​បញ្ហា​សណ្តាប់​ធ្នាប់​បន្ទាប់​ពី​រដ្ឋ​ប្រហារ

ក្រុម​មេ​ដឹក​នាំ​ថ្មី នៅ​អាហ្វ្រិក​កណ្តាល ជួប​បញ្ហា​សណ្តាប់​ធ្នាប់​បន្ទាប់​ពី​រដ្ឋ​ប្រហារ

Content image - Phnom Penh Post

ក្រុងបានហ្គុយៈ ក្រុម​អ្នក​គ្រប់​គ្រង​ថ្មីនៃ​សាធារណរដ្ឋ​អាហ្វ្រិក​កណ្តាល បា​នជួប​បញ្ហា​កាល​ពី​ថ្ងៃ​​ពុធ​ដើម្បីស្តារ​សណ្តាប់​ធ្នាប់​ឡើង​វិញ​ និង​ជួយ​ក្រុម​អ្នក​ស្រុក​ដែល​ភ័យ​ខ្លាច​ឲ្យ​ត្រឡប់​ទៅ​ធម្មតា​វិញ​៤ថ្ងៃ​ បន្ទាប់​ពីរដ្ឋ​ប្រហារ​មួយ ខណៈ នាយក​រដ្ឋ​មន្ត្រី បាន​ថ្លែង​ថា​ លោក​ត្រូវ​បាន​​​តែង​តាំង​ជាថ្មី​ដោយ​បុរស​ខ្លាំង​ថ្មី​របស់​ប្រទេស​នេះ។

ទឹក ​ផឹក គឺ​នៅ​តែ​ត្រូវ​កាត់​ផ្តាច់ នៅ​ក្រុង​បាន​ហ្គុយ បន្ទាប់​ពី​លោក​ Michel Djotodia និង​ក្រុម​ឧទ្ទាម Seleka របស់​លោក​បាន​ដណ្តើម​កាន់​កាប់​រដ្ឋ​ធានី​នេះ​កាល​ពី​ថ្ងៃ​អាទិត្យ​ក្នុង​ការ ​វាយ​ប្រហារ​លឿន​ដូច​ផ្លេក​បន្ទោរ​មួយ ដោយ​បង្ខំ​ឲ្យ​ប្រ​ធានាធិប​តី ហ្វ្រង់ស្វ័រ បូហ្ស៊ី​ហ្សេ រត់​ភៀស​ខ្លួន។ គណៈកម្មាធិ​ការ កាក​បាទ​ក្រហម​អន្តរជាតិ​ (ICRC) បានរាយ​ការណ៍​ថា ស្បៀង​អាហារ​និង​ឃ្លាំង​សម្ភារ​របស់​ពួក​គេ​នៅ​ក្នុង​ប្រទេស​នេះត្រូវ​បាន​លួច ​ដោយ​ក្រុម​ចោរ ដែល​បាន​ចូល​រុក​រើ​កកូរ កកាយ​ហាង​នានា​ និង​កន្លែង​រក​ស៊ី​ជាច្រើន ក្នុង​ប៉ុន្មាន​ថ្ងៃ​បន្ទាប់​ពី​រដ្ឋ​ប្រហារ​នោះ។

130329_19a
នាយករដ្ឋមន្ត្រីអាហ្វ្រិកកណ្តាល លោក Nicolas Tiangaye (កណ្តាល)មកដល់សណ្ឋាគារមួយនៅបានហ្គុយ បន្ទាប់ពីត្រូវបានតែងតាំងជាថ្មី AFP

អគ្គិសនី​បាន ចាប់​ផ្តើម​ត្រឡប់ មក​កាន់​តំបន់​ជាច្រើន​នៃ​រដ្ឋ​ធានី​មាត់​ទន្លេ​ដ៏ធំ​ល្វឹង​ល្វើយ​នេះ ប៉ុន្តែ បន្ទាប់​ពី​ការ​លួច​ឆក់​ជាច្រើន​ថ្ងៃ  ដែល​ក្រុម​ប្រដាប់​អាវុធ ត្រាច់​រំពា ពេញ​ក្រុង​នេះ ក្រុម​អ្នក​ក្រុង​មាន​ការ​ភ័យ​ខ្លាច​មិន​ហ៊ាន​ត្រឡប់​ទៅ​ធ្វើ​ការ​វិញ​ទេ ថ្វី​បើ​មាន​ការ​អំពាវ​នាវ​ពី​លោក Djotodia ឲ្យ​ប្រជាជន​ត្រឡប់​ទៅធ្វើ​ការ​វិញក្តី។

មន្ទីរ ​ពេទ្យ​នានា ក៏​ជួប​បញ្ហា​ក្នុង​ការ​ក្រោក​ឈរ​ឡើង​វិញ និង​ដំណើរ ការ​ដោយ​គ្មាន​ក្រុម​វេជ្ជបណ្ឌិត​ទេ ហើយ​នៅ​ក្នុង​ករណី​ខ្លះ នៅ​តែ​គ្មាន​ អគ្គិសនី។

មន្ត្រី​អ្នក​នាំ​ពាក្យ ICRC លោក Marie-Servane Desjonqueres បាន​ប្រាប់ AFP នៅ​ក្រុង​ហ្សឺ​ណែវ​ថា៖«អគារ​ដែល​យើង​ប្រើ​ ស្តុក​សម្ភារ និង​ស្បៀង​អាហារទាំង​ នោះត្រូវ​បាន​គេ​លួច​។ ស្បៀង​ដ៏​ច្រើន​ត្រូវ​បាន​លួច​អស់»។

ជា​សញ្ញាដែល​ក្រុម​ឧទ្ទាម​កំពុង​ ព្យាយាម​រក្សា​ស្ថិរភាព​ខ្លះ​ លោក Nicolas Tiangaye ដែល​ត្រូវ បាន​តែង​តាំង​ជា​នាយក​រដ្ឋ​មន្ត្រី​ពី​ខែ​មករា​ក្រោម​កិច្ច​ព្រម​ព្រៀង​បែង​ចែក ​អំណាច​រវាង​លោក​បូហ្ស៊ី​ហ្សេ និង​ក្រុម​ឧទ្ទាម Seleka ដែល​បាន​ បញ្ចប់​ការ​វាយ​ប្រហារ ឧទ្ទាម​ដំបូង​ បាន​និយាយ​ថា លោក​ត្រូវ​បាន​គេ​តែង​តាំង​ជាថ្មី​ ក្រោម​ក្រឹត្យ​ដែល​ត្រូវ​ បាន​ចុះ​ហត្ថ​លេខា​មួយ​៕

អត្ថបទគួរចាប់អារម្មណ៍