.jpg)
មេដឹកនាំបក្សប្រជាធិបតេយ្យលោកអាភីស៊ីត (កណ្តាល) ចូលសន្និបាតបក្ស។ BKP
ក្រុងបាងកកៈ អតីតនាយករដ្ឋមន្ត្រីថៃលោក អាភីស៊ីត វេចាជីវ៉ា បានជាប់ឆ្នោតធ្វើជាមេដឹកនាំគណបក្សប្រជាធិបតេយ្យនៅឯសន្និបាតទូទៅរបស់បក្សកាលពីថ្ងៃអាទិត្យ។
ការជាប់បោះឆ្នោតជាថ្មីរបស់លោកអាភីស៊ីត បានកើតឡើងបន្ទាប់ពីការបោះឆ្នោតជាបឋមមួយរបស់បក្សកាលពីថ្ងៃសៅរ៍កន្លងទៅ។
មានបេក្ខជន ៣ រូបសម្រាប់មុខតំណែងមេដឹកនាំបក្សនៅក្នុងការបោះឆ្នោតជាបឋម គឺមានលោកអាភីស៊ីត អតីតសមាជិកសភាលោក Warong Dechgitvigrom ជាអតីតមេដឹកនាំរងបក្ស លោក Alongkorn Ponlaboot។
នៅក្នុងការបោះឆ្នោតជាបឋម លោកអាភីស៊ីត បាន នាំមុខគេ ដោយទទួលបានសំឡេង ៦៧ ៥០៥ លោក DrWarong ទទួលបានសំឡេង គាំទ្រ ៥៧ ៦៨៩ សំឡេង និងលោក Alongkorn ទទួលបាន ២ ២៨៥ សំឡេង។
ឈ្មោះបេក្ខជនទាំង ៣ រូបនេះត្រូវបានដាក់ជូនសន្និបាតបក្សដើម្បីធ្វើការសម្រេចជាលើកចុងក្រោយ ប៉ុន្តែលោកបណ្ឌិត Warong និងលោក Alongkorn បានដកខ្លួនចេញពីការប្រកួតប្រជែងនេះ ដោយទុកឲ្យលោកអាភីស៊ីត ជាអ្នកឈ្នះដោយគ្មានដៃគូប្រកួត។
ការតែងតាំងលោកអាភីស៊ីត សម្រាប់តំណែងជាមេដឹកនាំបក្សនេះបានទទួលសំឡេងគាំទ្រ ៩៦,៧៧ ភាគរយនៃសមាជិកចំនួន ២៥៩ រូបដែលបានបោះឆ្នោត។
មហាសន្និបាតបក្ស បានបោះឆ្នោតឲ្យ លោក Siriwan Pratsajaksatru ធ្វើជាមេដឹកនាំរងបក្សសម្រាប់ភាគខាងជើង លោក VithoonNambutr សម្រាប់ទិសឦសានលោក SathitPithuthecha សម្រាប់ភាគកណ្តាល៕
