.jpg)
កាលពីថ្ងៃសៅរ៍ទី ៩ គេហទំព័រ China Military Online ដែលជាច្រកព័ត៌មានគ្រប់គ្រងដោយមន្ត្រីយោធាចិន បានធ្វើការទាមទារឱ្យមានការវិលត្រឡប់ «យ៉ាងរហ័ស» របស់ទាហានចិនមួយរូបដែលពួកគេបានរាយការណ៍ថាបាត់ខ្លួននៅតំបន់ព្រំដែនមានជម្លោះ Ladakh កាលពីថ្ងៃសុក្រ ដែលក្រោយមកគេដឹងថាទាហានរូបនេះត្រូវបានចាប់ខ្លួនដោយឥណ្ឌា។
ក្នុងសេចក្ដីថ្លែងការមួយ កងទ័ពឥណ្ឌាបាននិយាយថា៖ «ទាហាន PLA [កងទ័ពរំដោះប្រជាជនចិន] កំពុងត្រូវបានដោះស្រាយតាមនីតិវិធីដែលបានយល់ព្រមទាំងសងខាង និងកាលៈទេសៈដែលទាហានរូបនេះបានឆ្លងកាត់ LAC [បន្ទាត់នៃការគ្រប់គ្រងជាក់ស្តែង]»។
នេះគឺជាករណីទី២ ហើយតាំងពីខែតុលាឆ្នាំ ដែលទាហានចិនត្រូវបានឥណ្ឌាចាប់ខ្លួន។ ប្រទេសមហាអំណាចទាំងពីរនេះគឺបានប្រឈមមុខដាក់គ្នានៅតំបន់ Ladakhនេះអស់រយៈពេលជាច្រើនឆ្នាំមកហើយ តែក្នុងរយៈពេលប៉ុន្មានឆ្នាំចុងក្រោយនេះភាពតានតឹងបានកើនឡើងជាលំដាប់ ដែលឈានដល់ការវាយប្រតប់គ្នានៅដើមខែមិថុនាឆ្នាំ ២០២០ ធ្វើឱ្យទាហានឥណ្ឌា ២០ នាក់ និងទាហានចិនមិនដឹងចំនួនស្លាប់។
នៅក្នុងខែវិច្ឆិកាភាគីទាំងពីរបានចាប់ផ្ដើមបង្កើតផែនការបញ្ឈប់ការប្រឈមមុខដាក់គ្នា តាមរយៈការដកកងទ័ព និងបង្កើតតំបន់គ្មានការល្បាត៕
