ក្រុងប៉េកាំងៈ ប្រទេស ចិន កាលពីថ្ងៃចន្ទបានថ្លែងការពារការបង្ក្រាបសន្តិសុខដ៏ចម្រូងចម្រាសរបស់ខ្លួននៅក្នុងតំបន់ចុងខាងលិចនៃខេត្តស៊ីងជាំងដែលភាពជ្រួលច្របល់ ដោយនិយាយថា «ភេរវករ»ជិត ១៣ ពាន់ នាក់ ត្រូវបានចាប់ខ្លួន នៅទីនោះចាប់តាំងពីឆ្នាំ ២០១៤ មក។
យោងតាមក្រុមឃ្លាំមើលសិទ្ធិមនុស្សបានឲ្យដឹងថា ក្រុងប៉េកាំង បានរងការរិះគន់ពីអន្តរជាតិជុំវិញគោលនយោបាយរបស់ខ្លួននៅក្នុងតំបន់ ជាទីដែលមានជនជាតិអ៊ូយហ្គ័រ ១ លាននាក់ និងជនភាគតិចមូស្លីមមួយចំនួនធំផ្សេងទៀត ត្រូវបានចាប់ ឃុំខ្លួននៅក្នុងជំរំនានានៅទីនោះ។
ក្រុមប្រឹក្សារបស់រដ្ឋ គឺគណៈរដ្ឋមន្ត្រីចិន បានវាយបកវិញម្តងទៀត ដោយមានឯកសារបញ្ជាក់ថា គោលនយោបាយរបស់រដ្ឋាភិបាលដោយនិយាយថា រដ្ឋាភិបាល «មិនបង្អង់ដៃក្នុងការប្រយុទ្ធប្រឆាំងអំពើភេរវកម្ម និងក្រុមជ្រុលនិយម ដោយអនុលោមទៅតាមច្បាប់របស់ចិន»។
ឯកសារនោះ បញ្ជាក់ទៀតថា ខេត្តស៊ីងជាំង គឺជាផ្នែកនៃទឹកដីរបស់ចិនតាំងពីយូរយារណាស់មកហើយ ប៉ុន្តែថា ក្រុមកងកម្លាំងភេរវកម្ម និងក្រុមជ្រុលនិយម ទាំងនោះបង្កើតសកម្មភាពផ្តាច់ខ្លួន ដោយ «ក្លែងបន្លំ» ប្រវត្តិសាស្ត្រនៅក្នុងតំបន់។
យោងតាមឯកសារនោះ បានឲ្យដឹងថាចាប់តាំងពីឆ្នាំ ២០១៤ មក ខេត្តស៊ីងជាំង បានកម្ទេចក្រុមជនអន្ធពាលភេរវករបង្កអំពើហិង្សាចំនួន ១ ៥៨៨ ក្រុម ចាប់ខ្លួនភេរវករ ១២ ៩៩៥ នាក់ រឹបអូសយកគ្រឿងផ្ទុះចំនួន ២ ០៥២ គ្រាប់ ហើយបានធ្វើការ ផ្តន្ទាទោស ៣០ ៦៤៥ នាក់ពីបទធ្វើសកម្មភាពនានាទាក់ទងនឹងសាសនាខុសច្បាប់ ៤ ៨៥៨ ករណី៕ AFP/SK