.jpg)
ក្រុងប៉េកាំងៈ ប្រទេសចិន កាលពីថ្ងៃចន្ទបានប្រឆាំងការគំរាមរបស់អាមេរិកទៅលើក្រុមហ៊ុនបច្ចេកវិទ្យាចិន ដែលពាក់ព័ន្ធដោយបានជំរុញឲ្យអាមេរិកបញ្ឈប់ការធ្វើបញ្ហាសេដ្ឋកិច្ចក្លាយជាបញ្ហានយោបាយ និងរំលោភលើគោលគំនិតសន្តិសុខជាតិ។
លោករដ្ឋមន្ត្រីការបរទេសអាមេរិក ម៉ៃក៍ ប៉ុមប៉េអូ បានថ្លែងថារដ្ឋការរបស់លោកត្រាំបានផែនការចាត់វិធានការទៅលើអ្វីដែលខ្លួនមើលឃើញថា ជាគ្រោះថ្នាក់យ៉ាងធំដល់សន្តិសុខជាតិ ដែលបង្ហាញដោយក្រុមហ៊ុនសូហ្វែខ្លះរបស់ចិននោះ។
អ្នកនាំពាក្យក្រសួងការបរទេសចិនលោក វ៉ាង វេនប៊ីន កាលពីថ្ងៃចន្ទបានថ្លែងថា ភាគីអាមេរិកបានធ្វើការគំរាមប្រឆាំងនឹងក្រុមហ៊ុនចិនខ្លះដែលពឹងផ្អែកទៅលើការសន្មតពីទោសកំហុស និងគ្មានភស្តុតាងច្បាស់លាស់។
លោក វ៉ាង បានថ្លែងប្រាប់សន្និសីទសារព័ត៌មានមួយថា វិធានការបែបអស់ទាំងនេះនឹងប្រឆាំងគោលការណ៍នៃសេដ្ឋកិច្ចទីផ្សារសេរី និងរំលោភបំពានគោលការណ៍បើកចំតម្លាភាព និងមិនរើសរបស់អង្គការពាណិជ្ជកម្មពិភពលោក។ពួកគេក៏លាតត្រដាងការលាក់ពុតរបស់អាមេរិកទៅលើអ្វីដែលហៅថា ការប្រកាន់ភ្ជាប់ភាពត្រឹមត្រូវ និងសេរីភាព និងស្តង់ដារបស់ប្រទេសនោះ។
លោក វ៉ាង បានថ្លែងទៀតថា៖ «យើងអំពាវនាវដល់អ្នកទាំងឡាយណានៅអាមេរិកឲ្យសម្តែងមតិចេញពីសហគមន៍អន្តរជាតិផ្តល់បរិយាកាស” ត្រឹមត្រូវ បើកចំហ និងមិនរើសអើងសម្រាប់អង្គភាពទីផ្សារនៃប្រទេសដទៃទៀត ដើម្បីវិនិយោគនិងប្រតិបត្តិការនៅអាមេរិក បញ្ឈប់ការយកបញ្ហាពាណិជ្ជកម្មនិងសេដ្ឋកិច្ចធ្វើជារឿងនយោបាយតទៀត និងបញ្ឈប់ការជំរុញមានការរើសអើង និងគោលនយោបាយគំរាមកំហែងតាមរយៈការបំពានលើគោលគំនិតសន្តិសុខជាតិ»៕Xinhua/PSA
