.jpg)
កាលពីថ្ងៃសុក្រ ទី ៥ កុម្ភៈ ចិនពង្រីកការអនុញ្ញាតឱ្យប្រើប្រាស់វ៉ាក់សាំងផលិតដោយក្រុមហ៊ុនក្នុងស្រុក Sinovac ដោយពង្រីកអ្នកដែលអាចទទួលពីក្រុមដែលមានហានិភ័យខ្ពស់ និងអាទិភាពក្រោមការអនុញ្ញាតក្នុងគ្រាអាសន្ន ទៅក្រុមប្រជាជនទូទៅក្រោមការអនុញ្ញាតនេះ។
វ៉ាក់សាំង Sinovac ត្រូវបានលក់ទៅឱ្យប្រទេសយ៉ាងតិចចំនួន ១០ ហើយកំពុងផ្ដល់ជូនប្រជាជននៅក្នុងប្រទេសយ៉ាងតិចចំនួន។ នៅប្រទេសចិន ការចាក់វ៉ាក់សាំងនេះ បានចាប់ផ្ដើមបន្ទាប់ពីការអនុញ្ញាតប្រើប្រាស់ក្នុងគ្រាអាសន្នកាលពីខែកក្កដា ដែលអនុញ្ញាតផ្ដល់ជូនបុគ្គលិកសុខាភិបាល និងនិយោជិករបស់ក្រុមហ៊ុនគ្រប់គ្រងដោយរដ្ឋ។
វ៉ាក់សាំងនេះ គឺជាវ៉ាក់សាំងផលិតក្នុងស្រុកទី២ ដែលត្រូវបានផ្ដល់ការអនុញ្ញាតឱ្យប្រើប្រាស់ជាទូទៅ ក្រោយពីក្រុងប៉េកាំងបានអនុញ្ញាតឱ្យប្រើប្រាស់វ៉ាក់សាំងក្រុមហ៊ុនរបស់រដ្ឋ Sinopharm កាលពីខែធ្នូ៕
