The Phnom Penh Post Search

Search form

Logo of Phnom Penh Post newspaper Phnom Penh Post - ចិន​និង​អាហ្វ្រិក​ខាង​ត្បូង​ចុះ​កិច្ច​ព្រម​ព្រៀង​ជាមួយ​គ្នា​រឿង​ប្រេង​និង​ផ្លូវ​រថភ្លើង




ចិន​និង​អាហ្វ្រិក​ខាង​ត្បូង​ចុះ​កិច្ច​ព្រម​ព្រៀង​ជាមួយ​គ្នា​រឿង​ប្រេង​និង​ផ្លូវ​រថភ្លើង

ចិន​និង​អាហ្វ្រិក​ខាង​ត្បូង​ចុះ​កិច្ច​ព្រម​ព្រៀង​ជាមួយ​គ្នា​រឿង​ប្រេង​និង​ផ្លូវ​រថភ្លើង

130328_18a
ប្រធានាធិបតីអា្រហ្វិកខាងត្បូង លោកចាកូប ហ្ស៊ូម៉ា (ស្តាំ) ចាប់ដៃជាមួយសមភាគីចិន លោកស៊ី ជីនភីង នៅក្រុងប្រេតូរីយ៉ា កាលពីថ្ងៃអង្គារ AFP

ក្រុង​ប្រេតូរីយ៉ាៈ អាហ្វ្រិក​ខាង​ត្បូង​បាន​ចុះ​កិច្ច​ព្រម​ព្រៀង​ជាច្រើន​មួយ​ជាមួយ​ចិន​ពី​ថ្ងៃ​អង្គារ ក្នុង​នោះ​មាន​ការ​សង់​រោងចក្រ​ចម្រាញ់​ប្រេង និង​ធ្វើ​ទំនើបកម្ម​ផ្លូវ​ដែក​និង​បណ្តាញ​កំពង់​ផែ​របស់​ប្រទេស​។

កិច្ច​ព្រម​ព្រៀង​ទាំង​នោះ​ត្រូវ​បាន​បំពេញ​នៅ​ទីបញ្ចប់​នៃ​កិច្ច​ពិភាក្សា​រវាង​លោក​ប្រធានា​ធិបតី ចាកូប ហ្សូម៉ា និង​សមភាគី​ចិន លោក ស៊ី ជីនភីង​។

ស្ថិត​ក្រោម​កិច្ច​ព្រម​ព្រៀង​ប្រេង សារជីវកម្ម​ប្រេង និង​គីមី​ចិន​ហៅ​កាត់​ថា Sinopec និង​ក្រុមហ៊ុន​ប្រេង​ជាតិ​អាហ្វ្រិក PetroSA នឹង​សង់​រោងចក្រ​ស្ល​ប្រេង នៅ​តំបន់​ឧស្សាហកម្ម​មាត់​សមុទ្រ​មួយ​ក្បែរ​កំពង់​ផែ​អេលីហ្សាបេត​។

ចិន​ក៏​កំពុង​តែ​សម្លឹង​ឃើញ​ការ​រុក​រក​ប្រេង និង​ឧស្ម័ន​នៅ​អាហ្វ្រិក​ខាង​ត្បូង និង​បណ្តា​ប្រទេស​ក្បែរ​ខាង​ដែរ​បូក​រួម​នឹង​ឱកាស​បន្ទាប់​បន្សំ​ដូច​ជា​ការ​សង់​ឃ្លាំង​និង​ហេដ្ឋា​រចនា​សម្ព័ន្ធ​ភ័ស្តុភារ។

ប្រទេស​ជិត​ខាង​ភាគ​ខាង​កើត​នៃ​អាហ្វ្រិក​ខាង​ត្បូង​គឺ​ម៉ូហ្សំប៊ិច​បាន​ក្លាយ​ជា​គោល​ដៅ​វិនិយោគ​ថ្មី​បំផុត​បន្ទាប់​ពី​ការ​រក​ឃើញ​ថ្មីៗ​នៃ​បរិមាណ​ឧស្ម័ន​ធម្មជាតិ​និង​ធ្យូង​។

រដ្ឋ​ផលិត​ប្រេង​ធំ​បំផុត​ទីពីរ​នៅ​អាហ្វ្រិក គឺ​អង់ហ្គោឡា ក៏​នៅ​ក្នុង​ក្បែរ​អាហ្វ្រិក​ខាង​ត្បូង​ដែរ។

ធនាគារ​អភិវឌ្ឍ​ចិន​នឹង​ផ្តល់​ថវិកា​សម្រាប់​ការ​កែ​លម្អ​ថ្មី​ដល់​ក្រុមហ៊ុន​ផ្លូវ​ដែក​អាហ្វ្រិក Transnet ប៉ុន្តែ​មិន​បាន​បញ្ជាក់​ពី​ចំនួន​ថវិកា​ជាក់​លាក់​នោះ​ទេ​។

មុន​នេះ​លោក ហ្សាម៉ា​បាន​កោត​សរសើរ​ភាព​ជោគជ័យ​សេដ្ឋកិច្ច​របស់​ចិន​ថា​ជា​ការ​ជំរុញ​ដល់​រដ្ឋ​សេដ្ឋកិច្ច​ធំ​បំផុត​របស់​អាហ្វ្រិក​នេះ ប៉ុន្តែ​លោក​ជំរុញ​ឲ្យ​មាន​ទំនាក់​ទំនង​ពាណិជ្ជកម្ម​ប្រកប​ដោយ​សមធម៌​បន្ថែម​ទៀត​៕ CC​

អត្ថបទគួរចាប់អារម្មណ៍