The Phnom Penh Post Search

Search form

ចិន​ មានការ​រីកចម្រើន​លើ​ការពារ​សិទ្ធិមនុស្ស

Content image - Phnom Penh Post
ប្រធានាធិបតីចិន លោក​ស៊ី​ ជីនភីង​ ថ្លែង​ទៅ​កាន់​សន្និសីទ​ការងារ​កាល​ពីថ្ងៃទី ១៤ និង ១៥ ខែ​កក្កដា​ នៅ​ក្រុង​ប៉េកាំង​ ជារដ្ឋធានី​នៃ​ប្រទេស​ចិន។ Xinhua

ចិន​ មានការ​រីកចម្រើន​លើ​ការពារ​សិទ្ធិមនុស្ស

ក្រុងប៉េកាំងៈ បើតាម​អត្ថបទ​មួយ​ដែល​ត្រូវបាន​សរសេរ​ដោយ QiJu បាន​ឲ្យដឹង​ថា ការការពារ​សិទិ្ធ​មនុស្ស​តាម​ប្រព័ន្ធ​យុតិ្តធម៌​នៅ​ចិន ត្រូវបាន​កត់​សម្គាល់​ថា​មានការ​រីកចម្រើន និងល្អ​ប្រសើរ​តាំងពី​អង្គប្រជុំ​មហាសន្និបាត​របស់​គណបក្ស​កុម្មុយនីស្ត​ចិន​លើក​ទី ១៨ កាល​ពីឆ្នាំ ២០១២។

អំណាច​តុលាការ គឺជា​ខ្សែ​ត្រៀម​ការពារ​ចុងក្រោយ​ក្នុងការ​ធានា​ឲ្យបាន​នូវ​យុត្តិធម៌ និង​ភាព​ស្មើគ្នា​នៅ​ក្នុង​សង្គម។

កាលពី​ឆ្នាំ ២០១២ សមិទ្ធផល​សំខាន់​ជាច្រើន ត្រូវបាន​ធ្វើ​ឡើង​ដោយ​ពឹង​ផ្អែក​ទៅ​លើការ​វិភាគ​ដ៏សម​ហេតុផល ភាព​តឹងរ៉ឹង​នៃការ​អនុវត្ត​ច្បាប់​យុត្តិធម៌​ក្នុង​ផ្លូវ​តុលាការ និង​ការប្រតិបត្តិ​ច្បាប់​របស់​ប្រជាពលរដ្ឋ​ទាំងអស់។

ប្រទេស​ចិន បាន​ពង្រឹង​យន្តការ​នៃការ​ការពារ​សិទិ្ធ​មនុស្ស​តាម​ប្រព័ន្ធ​យុត្តិធម៌​តាមរយៈ​កត្តា​មួយ​ចំនួន​នៅក្នុង​នោះ​មាន​កិច្ច​ខិតខំ​ប្រឹងប្រែង​ក្នុងការ​បែងចែក​អំណាច និង​ការទទួល​ខុសត្រូវ​ដោយ​សម​ហេតុផល​ជាង​មុន ការពង្រឹង​គណនេយ្យភាព​នៃ​ប្រព័ន្ធ​យុត្តិធម៌​ការលើក​កម្ពស់​តម្លាភាព​នៃ​ប្រព័ន្ធ​យុតិ្តធម៌ និងការ​កែទម្រង់​ប្រព័ន្ធ​តុលាការ។

ចិន​ធានាបាន​នូវការ​អនុវត្ត​នៃ​សិទ្ធិ​មេធាវី ដើម្បី​ឲ្យ​មេធាវី​អាចបំពេញ​តួនាទី​បានធំ​ទូលាយ​ជាង​មុន​ក្នុងការ​ថែរក្សា​នូវ​សិទ្ធិ និង​ផលប្រយោជន៍​ស្របច្បាប់​របស់​ភាគី​ដែល​ពាក់ព័ន្ធ។

ចិន​បាន​បិទ​បញ្ចប់​ប្រព័ន្ធ​នៃការ​អប់រំ​ជាថ្មី គឺជា​ការដាក់​ឲ្យ​មនុស្ស​ធ្វើការងារ​ធ្ងន់ៗ ហើយ​ចិន​ក៏បាន​បង្កើត​ប្រព័ន្ធ​ជំនួយការ​ក្នុង​ប្រព័ន្ធ​យុតិ្តធម៌​ទៀតផង។

ចិនបន្ត​ពង្រឹង​ការធានា​នីតិវិធី​ក្នុង​ប្រព័ន្ធ​យុតិ្តធម៌​សម្រាប់​ផ្នែក​សិទិ្ធ​មនុស្ស។ កំណែ​ទម្រង់​ជាច្រើន​ត្រូវបាន​បន្តធ្វើ​ទៅមុខ ដើម្បី​ធានា​ថា វិវាទ​ទាំងអស់​ត្រូវ​បាន​បញ្ជូន​ទៅ​តុលាការ ហើយ​និង​ត្រូវបាន​ដោះស្រាយ​បាន​យ៉ាង​ត្រឹមត្រូវ។

ប្រព័ន្ធ​តុលាការ បាន អនុវត្ត​គោល​នយោបាយ​ជាច្រើន​ដូចជា​ការសន្មត​ជាមុន​នៃការ​គ្មាន​ទោស និងការ​ដកចេញ​នូវ​ភ័ស្តុតាង​មិន​ស្រប​ច្បាប់ ដើម្បី​ការពារ​សិទ្ធិ​របស់​ជន​ជាប់ចោទ។

ចិន​បានធ្វើ​ការកំណត់​យ៉ាង​តឹងរ៉ឹង​លើ​ទោស​ប្រហារជីវិត​ហើយ​ចិន​ក៏បាន​ដាក់​ជំនួស​ទោស​ប្រហារ​ជីវិត ដោយ​ការពិចារណា​យ៉ាង​ប្រុងប្រយ័ត្ន​បំផុត​និង​ស្មើភាព​គ្នា​ដែល​គិតពី​ផលប្រយោជន៍​យូរអង្វែង។

សិទ្ធិ និង​ផលប្រយោជន៍​ស្រប​ច្បាប់ របស់​ក្រុម​អ្នកជាប់​ឃុំឃាំង​ត្រូវបាន​ធានា ដោយ​ការធ្វើ​ឲ្យស្ថានភាព​នៅតាម​ពន្ធនាគារ​និង កន្លែង​ឃុំឃាំង​ល្អប្រសើរ​ឡើង និង​ការពង្រឹង​ការត្រួតពិនិត្យ​រាល់ សកម្មភាព​គ្រប់គ្រង និង​ការអនុវត្ត​ទោស។ ប្រទេស​នេះ​ការពារ​កេរ្តិ៍ឈ្មោះ​ផ្ទាល់​របស់​ក្រុម​អ្នកជាប់​ឃុំឃាំង៕

Xinhua/PDN

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។