.jpg)
ប្រជាជនបារាំងពាក់ម៉ាស់ការពារ ខណៈឈរតម្រង់ជួរទិញការ៉េម។ AFP
ក្រុងប៉ារីសៈ យោងតាមចំនួនសរុបដែល AFP ទទួលបានកាលពីថ្ងៃសៅរ៍បានឲ្យដឹងថា ករណីឆ្លងវីរុសកូរ៉ូណាថ្មីជាង ២ លាននាក់នៅអឺរ៉ុបជិត ២ ភាគ ៣ នៃចំនួននេះត្រូវបានគេរាយការណ៍នៅក្នុងប្រទេសរុស្ស៊ី ចក្រភពអង់គ្លេស អេស្ប៉ាញ អ៊ីតាលី និងប្រទេសបារាំង។
ដោយមានចំនួនស្លាប់យ៉ាងតិច ១៧៣ ១៣៣ នាក់ក្នុងចំណោម ២ ០០១ ៩៩៥ ករណី អឺរ៉ុបគឺជាទ្វីបដែលរងប៉ះពាល់បំផុតដោយជំងឺរាតត្បាតនេះ។
នៅទូទាំងពិភពលោកចំនួនករណីឆ្លងសរុប ៥ ២៤៤ ៦១៦ នាក់នៅក្នុងនោះមានអ្នកស្លាប់ចំនួន ៣៣៩ ០១១ នាក់ត្រូវបានគេកត់ត្រា។
រុស្ស៊ីគឺជាប្រទេសអឺរ៉ុបមួយដែរដោយមានករណីឆ្លងខ្ពស់បំផុត (ករណីឆ្លង ៣៣៥ ៨៨២ នាក់ និងមានអ្នកស្លាប់ចំនួន ៣ ៣៨៨ នាក់) ហើយកើនឡើងករណីឆ្លងថ្មីប្រហែល ១០ ០០០ នាក់ត្រូវបានគេរាយការណ៍ចាប់តាំងពីដើមខែឧសភា។
ចក្រភពអង់គ្លេសមានករណីឆ្លង ២៥៧ ១៥៤ នាក់ និងស្លាប់ ៣៦ ៦៧៥ នាក់ អេស្ប៉ាញមានករណីឆ្លង ២៣៤ ៨២៤ នាក់ និងស្លាប់ចំនួន ២៨ ៦២៨ នាក់ ប្រទេសអ៊ីតាលីមានករណីឆ្លង ២២៩ ៣២៧ នាក់ និងស្លាប់ ៣២ ៧៣៥ នាក់ និងប្រទេសបារាំងមានករណីឆ្លងចំនួន ១៨២ ២១៩ នាក់ និងស្លាប់ ២៨ ២៨៩ នាក់ និងប្រទេសអឺរ៉ុប ៤ ផ្សេងទៀតរងការប៉ះពាល់ខ្លាំងបំផុត។
ដោយប្រើប្រាស់ទិន្នន័យដែល AFP ប្រមូលពីអាជ្ញាធរជាតិ និងព័ត៌មានមកពីអង្គការសុខភាពពិភពលោក (WHO) ចំនួនសរុបនេះ ប្រហែលជាបង្ហាញពីចំនួនអ្នកឆ្លងយ៉ាងពិតប្រាកដ។
ប្រទេសជាច្រើនកំពុងធ្វើតេស្តរករោគសញ្ញា ឬករណីឆ្លងធ្ងន់ធ្ងរបំផុត៕ PSA
