ក្រុងបេរ៉ាៈ មនុស្សជាង ១ ពាន់នាក់ត្រូវបានភ័យខ្លាចបាត់់បង់ជីវិត ដោយសារខ្សល់ព្យុះសីក្លូន ដែលបានវាយប្រហារទៅលើប្រទេស ម៉ូសំប៊ិក កាលពីសប្តាហ៍មុន ចំណែកឯមនុស្សជាច្រើននាក់ទៀត បានស្លាប់ និងជាង ២ រយនាក់ទៀតកំពុងបាត់ខ្លួននៅក្នុងប្រទេស ហ្ស៊ីមបាវ៉េ ដែលនៅជិតខាង។
ក្រុងបេរ៉ានៃប្រទេស ម៉ូសំប៊ិក ភាគកណ្តាលដែលរងខ្សល់ព្យុះស៊ីក្លូនអ៊ីដៃ យ៉ាងពេញទំហឹងកាលពីថ្ងៃព្រហស្បតិ៍ នៅមុនព្យុះនេះបានវាយប្រហារហ្ស៊ីមបាវ៉េ ដែលនៅជិតខាង ដោយមានល្បឿនយ៉ាងលឿន និងបានបង្កឲ្យមានទឹកជំនន់លិចផ្លូវនានា និងផ្ទះសំបែងជាច្រើនខ្នងទៀតផង។
ប្រធានាធិបតីប្រទេស ម៉ូសំប៊ិក លោក Filipe Nyusi បានថ្លែងនៅក្នុងសុន្ទរកថាមួយទៅកាន់ប្រជាជននៅទូទាំងប្រទេសថា៖ «បច្ចុប្បន្ន យើងបានចុះឈ្មោះអ្នកស្លាប់ចំនួន ៨៤ នាក់ជាផ្លូវការហើយ ប៉ុន្តែនៅពេលដែលយើងបានជិះយន្តហោះពិនិត្យនៅពីលើតំបន់ទាំងនោះ នៅព្រឹកម្សិលមិញ ទើបយល់ថា តើនឹងមានអ្វីបន្តកើតឡើងម្តងទៀតអ្វីៗគ្រប់យ៉ាងត្រូវបានគេបង្ហាញឲ្យឃើញថា យើងអាចចុះឈ្មោះអ្នកបាត់បង់ជីវិតចំនួនជាង ១ ពាន់នាក់»។
លោកបានថ្លែងថា៖ «នេះគឺជាគ្រោះមហន្តរាយមនុស្សជាតិយ៉ាងពិតប្រាកដ» និង «មនុស្សជាង ១ សែននាក់ កំពុងស្ថិតនៅក្នុងស្ថានភាពគ្រោះថ្នាក់នៅឡើយ»។
លោកប្រធានាធិបតី Filipe បានថ្លែងបន្ថែមថា ក្រុមអ្នកនៅរស់ បានទៅជ្រកនៅក្រោមដើមឈើជាច្រើន ខណៈពួកគេកំពុងរង់ចាំក្រុមអ្នកជួយសង្គ្រោះ៕ AFP/SK