The Phnom Penh Post Search

Search form




Logo of Phnom Penh Post newspaper Phnom Penh Post - ចំនួន​អ្នក​ស្លាប់​​ដោយសារ​វីរុស​ផ្លូវ​​​​ដង្ហើម​កូរ៉ូណា​​​នៅ​ទូទាំង​ពិភព​លោក​​ ​កើន​ដល់​ជាង ១ លាន​នាក់​




ចំនួន​អ្នក​ស្លាប់​​ដោយសារ​វីរុស​ផ្លូវ​​​​ដង្ហើម​កូរ៉ូណា​​​នៅ​ទូទាំង​ពិភព​លោក​​ ​កើន​ដល់​ជាង ១ លាន​នាក់​

Content image - Phnom Penh Post
ប្រជាជន​ដែល​ពាក់​ម៉ា​ស់​​ការ​ពា​រខ្លួនប្រឆាំងកា​​រឆ្លង​​វីរុសផ្លូវដង្ហើ​ម​​ ពេលដើរ​នៅលើ​ផ្លូវ​ ១ នៅក្នុង​​ទ​ី​ក្រ​ុង​វូហាន​កាលពីថ្ងៃទី​ ២៧ កញ្ញា​​​។ AFP

ចំនួន​អ្នក​ស្លាប់​​ដោយសារ​វីរុស​ផ្លូវ​​​​ដង្ហើម​កូរ៉ូណា​​​នៅ​ទូទាំង​ពិភព​លោក​​ ​កើន​ដល់​ជាង ១ លាន​នាក់​

ក្រុងប៉ារីស៖ មនុស្ស​ជាង ​១ ​លាន​នាក់​ បាន​ស្លាប់​ដោយ​វីរុស​ផ្លូវ​ដង្ហើម​កូរ៉ូណា ​ក្រោយ​ពី​វីរុស​នេះ​បាន​កើត​ឡើង​មិន​ដល់ ​១ ឆ្នាំ​ផង ​នៅ​ក្នុង​ប្រទេស​ចិន ​និង​នៅ​ជុំវិញ​ពិភព​លោក​ទាំង​មូល។

វីរុស​រាតត្បាត​នេះ ​បាន​ធ្វើ​ឲ្យ​ប៉ះ​ពាល់​សេដ្ឋកិច្ច​ពិភព​លោក​បង្ក​ឲ្យ​មាន​ភាព​តានតឹង​លើ​ភូមិសាស្ត្រ​នយោបាយ ​និង​ផ្តាច់​ជីវិត​មនុស្ស​អស់​យ៉ាង​ច្រើន​ចាប់​ពី​ជន​មូស្លីម​ឥណ្ឌា និង​មនុស្ស​កុលសម្ព័ន្ធ​នៅ​ប្រទេស​ប្រេស៊ីល ​រហូត​ដល់​ក្រុង​ធំ​បំផុត​របស់​អាមេរិក​ គឺ​ក្រុង​ញូវយ៉ក។

កីឡា​ការ​ផ្សាយ​បន្ត​ផ្ទាល់​កម្មវិធី​កម្សាន្ត​ និង​ការ​ធ្វើ​ដំណើរ​ទៅ​កាន់​អន្តរជាតិ​ត្រូវ​បាន​ផ្អាក ​ខណៈ​ក្រុម​អ្នក​គាំទ្រ ​ទស្សនិកជន​ និង​ទេសចរ​ ត្រូវ​បាន​បង្ខំ​ឲ្យ​ស្នាក់​នៅ​ក្នុង​ផ្ទះ​ ដោយ​មាន​វិធាន​ការ​យ៉ាង​តឹងរ៊ឹង​ ត្រូវ​បាន​ដាក់​ចេញ​ដើម្បី​ទប់ស្កាត់​ការ​ឆ្លង​រាល​ដាល​នៃ​វីរុស​ផ្លូវ​ដង្ហើម​កូរ៉ូណា​នេះ​។

ការ​គ្រប់គ្រង​យ៉ាង​ហ្មត់​ចត់​ដែល​បាន​ដាក់​មនុស្ស​ពាក់​កណ្តាល​ គឺ​ជាង ​៤ ពាន់​លាន​នាក់​ឲ្យ​នៅ​ក្រោម​ទម្រង់​នៃ​ការ​បិទ​ប្រទេស​ត្រឹម​ខែ​មេសា ​​ដំបូង​បង្ហាញ​ពី​ល្បឿន​នៃ​ការ​ឆ្លង​ថយ​ចុះ ​ប៉ុន្តែ​ចាប់​តាំង​ពី​ការ​រឹត​ត្បិត​ត្រូវ​បាន​បន្ធូរបន្ថយ​មក​ ករណី​ឆ្លង​វីរុស​​ផ្លូវ​ដង្ហើម​នេះ​​ ​បាន​កើន​ឡើង​ជា​ថ្មី​។​

នៅ​ម៉ោង ​២២ និង ​៣០ ​នាទី ម៉ោង​សកល​កាល​ពី​ថ្ងៃ​អាទិត្យ​វីរុស​ផ្លូវ​ដង្ហើម​នេះ ​បាន​ផ្តាច់​ជីវិត​មនុស្ស ​១ ០០០ ០០៩ នាក់​ ពី​ចំនួន​អ្នក​ឆ្លង​ដែល​គេ​កត់ត្រា​ ៣៣​ ០១៨ ​៨៧៧ ​នាក់។ ​នេះ​បើ​យោង​តាម​ចំនួន​របស់ ​AFP​ ដែល​ទទួល​បាន​ពី​ប្រភព​ផ្លូវ​ការ​នានា។

អាមេរិក​មាន​ចំនួន​អ្នក​ស្លាប់​ខ្ពស់​បំផុត​ ដោយ​មាន​ជាង ​២០ ​ម៊ឺន​នាក់ ​បន្ទាប់​មក​គឺ​ប្រទេស​ប្រេស៊ីល ​ឥណ្ឌា​ ម៊ិកស៊ិក​ និង​ចក្រភព​អង់គ្លេស​។ ​

អ្នក​បើក​រថយន្ត​ដឹក​ទំនិញ​អ៊ីតាលី​ឈ្មោះ Carlo Chiodi ​បាន​និយាយ​ថា​ តួលេខ​ស្លាប់​ទាំង​នោះ​រាប់​បញ្ចូល​ទាំង​ឪពុក​ម្តាយ​របស់​គាត់ ​ដែល​គាត់​បាន​បញ្ជាក់​ថា​ គាត់​បាន​បាត់បង់​ឪពុក​ម្តាយ​ត្រឹម​តែ​ប៉ុន្មាន​ថ្ងៃ​នេះ​ទេ​។ ​

លោក ​Chiodi មាន​វ័យ ​៥០ ​ឆ្នាំ​បាន​ថ្លែង​ថា៖​ «អ្វី​ដែល​ខ្ញុំ​ទទួល​ស្គាល់​ថា​ ជា​​ពេល​វេលា​ដ៏​លំបាក​បំផុត​​នោះ​ គឺ​ថា​ ខ្ញុំ​បាន​ឃើញ​ឪពុក​របស់​ខ្ញុំ​​​ដើរ​ចេញ​ពី​ផ្ទះ​ចូល​ទៅ​ក្នុង​រថយន្ត​សាមុយ ​ហើយ​អ្វី​ទាំង​អស់​ដែល​ខ្ញុំ​អាច​​និយាយ​ទៅ​កាន់​គាត់​នោះ​គឺ ​«លា​ហើយ​»​៕ AFP/PSA

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។