ក្រុងប៉ារ៉ាដាយៈ ចំនួនអ្នកស្លាប់នៅក្នុងភ្លើងឆេះព្រៃដ៏សាហាវមួយ នៅរដ្ឋកាលីហ្វ័រនីញ៉ា បានកើនឡើងដល់២៩នាក់ហើយ ជាចំនួនអ្នកស្លាប់ ច្រើនបំផុតនៅក្នុងប្រវត្តិសាស្ត្ររបស់រដ្ឋនេះ ខណៈក្រុមអ្នករុករក បានរកឃើញសាកសព ៦ នាក់បន្ថែមនៅកន្លែងឆេះនោះ។
ភ្លើងឆេះនោះ គឺស្ថិតនៅកន្លែងជើងភ្នំSierraNevadaនៅភាគខាងជើងក្រុង Sacramento គឺជាកន្លែងភ្លើងឆេះដ៏ធំបំផុត និងបំផ្លិចបំផ្លាញទាំងស្រុង ដែលបានធ្វើឲ្យមនុស្ស២៥ម៉ឺននាក់ភៀសខ្លួនចេញពីផ្ទះសម្បែងរបស់ពួកគេនៅទូទាំងរដ្ឋ ដែលរាំងស្ងួតមួយនេះ ដោយផ្ទះសម្បែងចំនួន ៦ ៤០០ ខ្នងនៅក្រុងប៉ារ៉ាដាយ ត្រូវឆេះខ្ទេចខ្ទីគ្មានសល់។
លោក SheriffKoryHonea បានប្រាប់នៅក្នុងសន្និសីទកាសែតមួយកាលពីថ្ងៃអាទិត្យ នៅល្ងាចថ្ងៃទី ៤ នៅក្នុងការប្រយុទ្ធប្រឆាំងអគ្គិភ័យថា៖ «ថ្ងៃនេះ សាកសពមនុស្ស ៦ នាក់ទៀត ត្រូវបានគេរកឃើញ ដែលធ្វើឲ្យចំនួនអ្នកស្លាប់ កើនដល់ ២៩ នាក់» ដោយបន្ថែមទៀតថា ពួកគេទាំងអស់ ត្រូវបានរកឃើញនៅក្រុងប៉ារ៉ាដាយ។
មនុស្សយ៉ាងតិច ៣១ នាក់ បានស្លាប់នៅក្នុងតំបន់ភ្លើងឆេះនៅភាគខាងជើង និងខាងត្បូងរដ្ឋកាលីហ្វ័រនីញ៉ា ដែលមានធុំក្លិនផ្សែងឈ្ងៀម បានគ្របដណ្តប់ពេញផ្ទៃមេឃ រហូតដល់មើលព្រះអាទិត្យមិញឃើញ៕ SK