.jpg)
រូបភាពពីលើអាកាសបង្ហាញឲ្យឃើញតំបន់ KawagoeKings លិចទឹកជំនន់។ AFP
ក្រុងតូក្យូ៖ អ្នកធ្វើការងារ សង្គ្រោះរាប់ម៊ឺននាក់កាលពីថ្ងៃចន្ទ បានស្វែងរកអ្នករួចជីវិតពីព្យុះទីហ្វុងហាជីប៊ីសដែលមានកម្លាំងខ្លាំងក្លារយៈពេល ២ ថ្ងៃ ក្រោយពីព្យុះនោះបានវាយប្រហារប្រទេស ជប៉ុន ដោយបានបណ្តាលឲ្យមនុស្សយ៉ាងតិច ៤៣ នាក់ស្លាប់។
ព្យុះហាជីប៊ីសបានបោកបក់ចូលប្រទេសនេះកាលពីរាត្រីថ្ងៃសៅរ៍ ប៉ុន្តែមានភ្លៀងធ្លាក់យ៉ាងខ្លាំងជាច្រើនម៉ោងមុននឹងព្យុះនេះបានមកដល់ ដោយបានបង្កឲ្យបាក់ដី និងធ្វើឲ្យទឹកទន្លេជោរជន់រហូតដល់បង្កឲ្យទន្លេបាក់ច្រាំង។
អ្នកជួយសង្គ្រោះជាង ១១ ម៊ឺននាក់ នៅក្នុងនោះមានទាហាន ៣១ ពាន់នាក់ បានធ្វើការពេញ ១ យប់ និងឆ្លងចូលដល់ថៃ្ងចន្ទ ជាថ្ងៃបុណ្យជាតិដោយស្វែងរកមនុស្សដែលជាប់ដោយគ្រោះមហន្តរាយនេះ។
ប្រព័ន្ធផ្សព្វផ្សាយសង្គមបាននិយាយថា មនុស្សយ៉ាងតិច ៣៥ នាក់បានស្លាប់ ដោយទីភ្នាក់ងារសារព័ត៌មាន Kyodo រាយការណ៍ថា មនុស្ស ១៦ នាក់បានបាត់ខ្លួន និងជាង ២០០ នាក់រងរបួស។ តួលេខរបស់រដ្ឋាភិបាលកាលពីរាត្រីថ្ងៃសៅរ៍ទាបជាងនេះ ការធ្វើបច្ចុប្បន្នភាពត្រូវរំពឹងទុកកាលពីថ្ងៃចន្ទ។
ព្យុះហាជីប៊ីស ជាព្យុះមួយក្នុងចំណោមព្យុះមានកម្លាំងខ្លាំងបំផុត ដែលវាយប្រហារតំបន់តូក្យូជាច្រើនទសវត្សរ៍ បានបោកបក់ក្នុងល្បឿនរហូតដល់ ២១៦ គីឡូម៉ែត្រ ក្នុង ១ ម៉ោង៕ AFP/PSA
