The Phnom Penh Post Search

Search form




Logo of Phnom Penh Post newspaper Phnom Penh Post - ជន​ចំណាក​ស្រុក​វ៉េណេស៊ុយអេឡា​យ៉ាង​តិច ៣០ នាក់ បាត់​ខ្លួន​ក្រោយ​ពី​លិច​ទូក​នៅ​កោះ​កូរ៉ាកៅ

ជន​ចំណាក​ស្រុក​វ៉េណេស៊ុយអេឡា​យ៉ាង​តិច ៣០ នាក់ បាត់​ខ្លួន​ក្រោយ​ពី​លិច​ទូក​នៅ​កោះ​កូរ៉ាកៅ

Content image - Phnom Penh Post
លោក ​នីកូឡាស ម៉ាឌូរ៉ូ ចូលរួម​ពិធី​ប្រារព្ធ​ខួប​នៃ​ចលនា Somos (យើង​គឺ​ជា​ប្រជាជន​វ៉េណេស៊ុយអេឡា​) ​នៅ​ក្រុង​ការ៉ាកាស​។ AFP

ជន​ចំណាក​ស្រុក​វ៉េណេស៊ុយអេឡា​យ៉ាង​តិច ៣០ នាក់ បាត់​ខ្លួន​ក្រោយ​ពី​លិច​ទូក​នៅ​កោះ​កូរ៉ាកៅ

ក្រុង​ការ៉ាកាសៈ ​សមាជិក​សភា​បក្ស​ប្រឆាំង​ម្នាក់​ បាន​ថ្លែង​កាល​ពី​ថ្ងៃ​អង្គារ​ថា ​ក្រុម​ជន​ចំណាក​ស្រុក​វ៉េណេស៊ុយអេឡា​យ៉ាង​តិច ​៣០ ​នាក់​ កំពុង​បាត់​ខ្លួន​ ក្រោយ​ពី​ទូក​ល្បឿន​លឿន​ដែល​ពួក​គេ​កំពុង​ធ្វើ​ដំណើរ​ បាន​លិច​នៅ​តាម​ផ្លូវ​ទៅ​កាន់​កោះ​កូរ៉ាកៅ​។​

អនុ​ប្រធាន​សភា​លោក​ Luis Stefanelli ​បាន​ថ្លែង​​ប្រាប់​ AFP ​ដោយ​បាន​ដក​ស្រង់​សម្តី​ពី​ក្រុម​សមាជិក​គ្រួសារ​របស់​ជន​រងគ្រោះ​ថា ​ទូក​នោះ​បាន​ចាក​ចេញ​ពី​ភូមិ​មួយ​​​កាល​ពី​ថ្ងៃ​សុក្រ​ជាមួយ​មនុស្ស​ពី ​៣០ ​ទៅ ​៣៥ ​នាក់ ​នៅ​លើ​ទូក​នោះ​។ ​

លោក​ Luis Stefanelli ​បាន​ថ្លែង​ថា​៖ «​គ្មាន​នរណា​ម្នាក់​បាន​ទំនាក់ទំនង​ជាមួយ​ក្រុម​គ្រួសារ​របស់​ជន​រងគ្រោះ​ទាំង​នោះ​ទេ ​ដែល​អាច​ធ្វើ​ឲ្យ​យើង​ព្រួយ​បារម្ភ​អំពី​ការ​បាត់បង់​ជីវិត​របស់​ពួក​គេ​យ៉ាង​ខ្លាំង​»​។​

ក្រុម​អាជ្ញាធរ​មិន​បាន​ធ្វើ​អត្ថាធិប្បាយ​អំពី​របាយការណ៍​នោះ​ទេ​។​

យោង​តាម​សេចក្តី​ថ្លែង​ការណ៍​របស់​ឆ្មាំ​ការពារ​ដែន​សមុទ្រ ​ដែល​បាន​ចេញ​ផ្សាយ​ដោយ​ប្រព័ន្ធ​ផ្សព្វផ្សាយ​នៅ​កោះ​ការ៉ាប៊ីន​ថា ​សាកសព​បុរស​ម្នាក់​​ពាក់​អាវ​ធំ​ ត្រូវ​បាន​គេ​រក​ឃើញ​នៅ​ក្បែរ​ឈូង​សមុទ្រ​ Bullenbaai​នៅ​កោះ​កូរ៉ាកៅ​។​

ទោះ​បី​ជា​យ៉ាង​ណា​ក៏​ដោយ​ ក៏​នៅ​មិន​ទាន់​ច្បាស់​នៅ​ឡើយ​ថា តើ​បុរស​នោះ​បាន​ស្ថិត​នៅ​លើ​ទូក​ដែល​បាន​ចាក​ចេញ​ដោយ​ខុស​ច្បាប់​ពី​ភូមិ​ Aguide ​នៅ​រដ្ឋ​ហ្វាលខន​នៃ​ប្រទេស ​វ៉េណេស៊ុយអេឡា ដែរ​ឬទេ​​?។​

នេះ​គឺ​​ជា​ទូក​ទី​៣​ ដែល​បាន​ដឹក​ជន​ចំណាក​ស្រុក​វ៉េណេស៊ុយអេឡា​ ដែល​បាន​លិច​កាល​ពី​ខែ​មុន​ បច្ចុប្បន្ន​នេះ​សរុប​ទាំង​អស់​មាន​មនុស្ស ​ ៨០ ​នាក់ ​កំពុង​បាត់​ខ្លួន​។​

កាល​ពី​ពេល​កន្លង​ទៅ​ទូក ​២ ​កំពុង​ធ្វើ​ដំណើរ​ទៅ​កាន់​កោះ​ភ្លោះ​ទ្រីនីដាដ ​និង​តូបាហ្គោ​។​

សមាជិក​សភា​បក្ស​ប្រឆាំង​​ម្នាក់​ ​គឺ​លោក​ Robert Alcala ​បាន​ថ្លែង​កាល​ពី​ថ្ងៃ​ទី ​១៩ ​ខែ ​ឧសភា​ថា​ មនុស្ស ​២៩ ​នាក់ ​បាន​កំពុង​បាត់​ខ្លួន​ នៅ​ពេល​ទូក​របស់​ពួក​គេ​បាន​លិច​នៅ​តាម​ផ្លូវ​ធ្វើ​ដំណើរ​ទៅ​កាន់​កោះ​ភ្លោះ​ទ្រីនីដាដ ​និង​តូបាហ្គោ ​នៅ​ភាគ​ពាយព្យ​នៃ​ប្រទេស ​វ៉េណេស៊ុយអេឡា​។​

លោក​ Robert Alcala​ ដែល​បាន​រាយការណ៍​កាល​ពី​ថ្ងៃ​ទី ​២៥ ​ខែ​ មេសា​ថា​ ទូក ​១ ​គ្រឿង ​ដែល​បាន​ដឹក​ក្រុម​ជន​ចំណាក​ស្រុក​វ៉េណេស៊ុយអេឡា ៣៣ ​នាក់​ ដែល​ធ្វើ​ដំណើរ​តាម​ផ្លូវ​ស្រដៀង​គ្នា​នោះ​ដែរ​បាន​បាត់​ស្រមោល​ ហើយ​ភ្លាមៗ​នោះ មនុស្ស ៩ ​នាក់ ​ត្រូវ​បាន​គេ​ជួយ​សង្គ្រោះ​ផុត​ពី​សេចក្តី​ស្លាប់​​៕ AFP/SK

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។