កាលពីថ្ងៃអង្គារ ទី ២០ មេសា ក្រសួងការបរទេសសហរដ្ឋអាមេរិក បានប្រកាសផែនការពង្រីកការណែនាំកម្រិត ៤ ដើម្បីទប់ស្កាត់ការរីករាលដាល។ ការណែនាំនេះ គឺអាចដាក់កម្រិតប្រជាជនអាមេរិកធ្វើដំណើរទៅកាន់ប្រទេសប្រមាណ ៨០ ភាគរយនៅទូទាំងពិភពលោក។
សហរដ្ឋអាមេរិកបានកំណត់ប្រទេសចំនួន ៣៤ ក្នុងការដាក់កម្រិតធ្វើដំណើររួចទៅហើយ ប៉ុន្តែប្រទេសប្រហែល ១៣០ ទៀតនឹងត្រូវបន្ថែមទៅក្នុងការរឹតត្បិតនេះ។
ទីក្រុងវ៉ាស៊ីនតោនក៏បានរារាំងពលរដ្ឋ ដែលមិនមែនជាជនជាតិអាមេរិកចូលទៅកាន់ប្រទេសខ្លួន ស្ទើរតែទាំងអស់អំឡុងពេលថ្មីៗនេះ ដែលអ្នកដំណើរទាំងនោះគឺភាគច្រើនមកពីតំបន់អឺរ៉ុប ចិន ប្រេស៊ីល អ៊ីរ៉ង់ និងអាហ្វ្រិកខាងត្បូង៕