ក្រុងបាលូខាលីៈ ជនមូស្លីមរ៉ូហ៊ីងយ៉ាកំពុងរស់នៅក្នុងជំរំជនភៀសខ្លួននៅប្រទេសបង់ក្លាដែស បានសូត្រធម៌បួងសួងថ្លែងអំណរគុណដល់ព្រះជាម្ចាស់ កាលពីថ្ងៃសុក្រ បន្ទាប់ពីមាតុភូមិនិវត្តន៍វិលត្រឡប់ទៅប្រទេសមីយ៉ានម៉ាវិញ ត្រូវបានផ្អាកនោះ។
គ្មាននរណាម្នាក់នៅក្នុងចំណោមជនរ៉ូហ៊ីងយ៉ាចំនួន៧២ម៉ឺននាក់ ដែលបានរត់គេចខ្លួនចេញពីប្រទេសមីយ៉ាន់ម៉ា ក្រោយពីមានការបង្ក្រាបរបស់យោធាមួយ កាលពីខែ សីហា ឆ្នាំ ២០១៧ បានស្ម័គ្រចិត្តវិលត្រឡប់ទៅវិញ ដែលត្រូវបានគ្រោងចាប់ផ្តើមនៅថ្ងៃព្រហស្បតិ៍កន្លងទៅនោះទេ។
បង់ក្លាដែសនៅមិនទាន់ បានថ្លែងប្រាប់ថាតើនៅពេលណា ឬ ថាតើកិច្ចប្រឹងប្រែងថ្មីមួយ នឹងត្រូវបានធ្វើឡើង ដើម្បីបញ្ចុះបញ្ចូលជនរ៉ូហ៊ីងយ៉ាឲ្យចាកចេញពីជំរំជនភៀសខ្លួនជាច្រើននៅតាមព្រំដែន មីយ៉ាន់ម៉ា ឬ យ៉ាងណាទេ ហើយនៅពេលបច្ចុប្បន្នជំរំទាំងនោះ ពោរពេញទៅដោយមនុស្សប្រហែលជិតមួយលាននាក់។
បរាជ័យការធ្វើមាតុភូមិនិវត្តន៍ នាំឲ្យមានក្រុមអ្នកបួងសួងទៅជួបជុំគ្នានៅតាមវិហារអ៊ិស្លាម៕ SK