The Phnom Penh Post Search

Search form




Logo of Phnom Penh Post newspaper Phnom Penh Post - ជន​រ៉ូហ៊ីងយ៉ា ៦៥ នាក់​ ត្រូវ​គេ​ប្រទះ​ឃើញ​នៅ​ឆ្នេរ​សមុទ្រ​ថៃ​ភាគ​ខាង​ត្បូង​

ជន​រ៉ូហ៊ីងយ៉ា ៦៥ នាក់​ ត្រូវ​គេ​ប្រទះ​ឃើញ​នៅ​ឆ្នេរ​សមុទ្រ​ថៃ​ភាគ​ខាង​ត្បូង​

Content image - Phnom Penh Post
ទូក​ដែល​ដឹក​ជន​ភៀស​ខ្លួន​រ៉ូហ៊ីង​យ៉ា ៦៥ នាក់ ​នៅ​​ឆ្នេរ​សមុទ្រ​ថៃ​ភាគ​ខាង​ត្បូង​។ រូប AFP

ជន​រ៉ូហ៊ីងយ៉ា ៦៥ នាក់​ ត្រូវ​គេ​ប្រទះ​ឃើញ​នៅ​ឆ្នេរ​សមុទ្រ​ថៃ​ភាគ​ខាង​ត្បូង​

ក្រុង​បាងកកៈ ​ក្រុម​មន្ត្រី​កងទ័ព​​ជើង​ទឹក​ថៃ បាន​ថ្លែង​កាល​ពី​ថ្ងៃ​ពុធ​ថា​ ជន​ភៀស​ខ្លួន​មូស្លីម​រ៉ូហ៊ីងយ៉ា ​៦៥ ​នាក់ ​ត្រូវ​បាន​គេ​ប្រទះ​ឃើញ​នៅ​លើ​ទូក​​បាក់បែក​​មួយ​នៅ​ឆ្នេរ​សមុទ្រ​ថៃ​ភាគ​ខាង​ត្បូង​ ខណៈ​ដែល​ក្រុម​អាជ្ញាធរ ​បាន​ស៊ើប​អង្កេត​ថា​ តើ​ពួក​គេ​ត្រូវ​បាន​គេ​ជួញដូរ​ឬ​យ៉ាង​ណា​នោះ?​

ទូក​នោះ ​ត្រូវ​បាន​គេ​រក​ឃើញ​កាល​ពី​ព្រឹក​ថ្ងៃ​អង្គារ​ នៅ​ក្នុង​តំបន់​ឆ្នេរ​សមុទ្រ​ Tarutao ​Marine ​National ​Park​ នៅ​ប្រទេស ​ថៃ ​ភាគ​ខាង​ត្បូង​ មាន​ចម្ងាយ​ប្រហែល ​៤០០ ​គីឡូ​ម៉ែត្រ​ពី​ព្រំដែន​មីយ៉ាន់ម៉ា​។​

ជន​រ៉ូហ៊ីងយ៉ា​ប្រហែល ​៧៤ ​ម៉ឺន​នាក់ ​បាន​រត់​ភៀស​ខ្លួន​ចេញ​ពី​មីយ៉ាន់ម៉ា​ ចាប់​តាំង​ពី​មាន​ការ​បង្ក្រាប​ដោយ​យោធា​យ៉ាង​ឃោរឃៅ​កាល​ពី​ឆ្នាំ​ ២០១៧​ ប្រឆាំង​ជន​ភាគ​តិច​គ្មាន​សញ្ជាតិ​នៅ​ក្នុង​ប្រទេស​ភាគ​ច្រើន​កាន់​ព្រះពុទ្ធ​សាសនា​។

ពួក​គេ​ភាគ​ច្រើន​ បាន​រត់​គេច​ខ្លួន​ចូល​ទៅ​ក្នុង​ជំរំ​ជន​ភៀស​ខ្លួន​នៅ​​ប្រទេស ​បង់ក្លាដែស​ ចំណែក​ឯ​អ្នក​ផ្សេងៗ​ទៀត​ បាន​ធ្លាក់​ចូល​ទៅ​ក្នុង​ដៃ​ក្រុម​ឈ្មួញ​ជួញដូរ​មនុស្ស​ខុស​ច្បាប់​ ខណៈ​ដែល​​ពួក​គេ​បាន​ស្វែងរក​ជីវភាព​រស់នៅ​ឲ្យ​បាន​ល្អ​ប្រសើរ​ជាង​មុន​នៅ​ប្រទេស ​ម៉ាឡេស៊ី​ និង​ថៃ​។​

អ្នក​នាំពាក្យ​កង​ទ័ព​ជើង​ទឹក​ថៃ​បាន​ថ្លែង​ថា​ មាន​ស្ត្រី ​៣១ ​នាក់​ និង​ក្មេង ​៥ ​នាក់ ​នៅ​ក្នុង​ចំណោម​ជន​រ៉ូហ៊ីងយ៉ា​នៅ​លើ​ទូក​បាក់​បែក​នោះ​។​

បុរស​ជនជាតិ​ថៃ​ម្នាក់ ​និង​ពលរដ្ឋ​មីយ៉ាន់ម៉ា​ ៥ ​នាក់ នៅ​ក្នុង​ក្រុម​អ្នក​ទាំង​នោះ​ផង​ដែរ​។​ ​បុរស​ទាំង​នោះ​បាន​និយាយ​ថា​ ពួក​គេ​កំពុង​ស្ទូច​ត្រី​ក្នុង​តំបន់​​ ហើយ​មិន​ជាប់​ពាក់ព័ន្ធ​ជាមួយ​ជន​រ៉ូហ៊ីងយ៉ា​ទេ​៕ AFP/SK

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។