.jpg)
ប៉ូលិសមកចាប់ខ្លួនជនសង្ស័យគ្រឿងញៀន Udom Rattanamanee។ BKP
ណាក់ខនស៊ីថាមម៉ារ៉ាត់៖ ជនសង្ស័យជួញដូរគ្រឿងញៀនដែលកំពុងត្រូវគេតាមចាប់ខ្លួននៅក្រោមដីកាតុលាការមួយបានស្លាប់ និងប៉ូលិស ៣ នាក់ បានរងរបួសក្នុងការបាញ់តគ្នានៅក្នុងស្រុកឡានសាកា កាលពីព្រឹកថ្ងៃចន្ទ។
ឧប្បត្តិហេតុនោះ បានកើតឡើងនៅម៉ោងប្រហែល ៨ ព្រឹកនៅពេលប៉ូលិស ១ ក្រុម ដែលដឹកនាំដោយលោកវីរសេនីយ៍ត្រី Phramoon Kongchu មកពីប៉ុស្តិ៍ប៉ូលិសកាម៉ាឡា នៅខេត្តភូកេត ដើម្បីចាប់ខ្លួនជនសង្ស័យឈ្មោះ Udom Rattanamanee មានអាយុ ៤៦ ឆ្នាំ និងប្រពន្ធឈ្មោះ Areeya Panthip ជុំវិញការចោទប្រកាន់ជាច្រើនទាក់ទងការជួញដូរគ្រឿងញៀន។
នៅផ្ទះនោះ ប៉ូលិសបានជួបលោក Preecha Rattanamanee ជាឪពុករបស់លោក Udo Rattanamanee និងបង្ហាញដីកាដល់គាត់។
ខណៈលោក Preecha Rattanamanee បានឡើងទៅលើផ្ទះជាន់ទី ២ ដោយសង្ស័យថា ចាប់ខ្លួនកូនប្រុសគាត់ ជនសង្ស័យ Udom Rattanamanee ភ្លាមៗនោះ បានបើកការបាញ់ប្រហារចេញពីក្នុងផ្ទះនោះ ដោយកាំភ្លើងវែង M16 និងកាំភ្លើងខ្លី 11mm។ ការប្រយុទ្ធគ្នាបានកើតឡើង។
លោក Preecha បានត្រឡប់មកវិញជាមួយកាំបិតមួយ និងបានចាក់លោកពលបាលត្រី WattanaKanchana ចំត្រង់ក ដោយបង្កឲ្យមុតយ៉ាងជ្រៅ។
លោកវរសេនីយ៍ត្រីបានត្រូវគេបាញ់របួស និងប៉ូលិសម្នាក់ទៀតឈ្មោះ ThanomsakWisuthisak ត្រូវបាញ់ចំជើងឆ្វេង។ ប៉ូលិសទាំង ៣ នាក់ ត្រូវបានបញ្ជូនទៅសង្គ្រោះនៅមន្ទីរពេទ្យ។
Udom Rattanamanee ត្រូវបានឃើញស្លាប់នៅក្នុងផ្ទះ ដោយមានកាំភ្លើងវែងប្រភេទ M16 និងកាំភ្លើងខ្លី 11mm នៅក្បែរសាកសព៕ BKP/PSA
