ក្រុងអាដែនៈ អង្គការគ្រូពេទ្យគ្មានព្រំដែន (MSF) បាននិយាយកាលពីថ្ងៃពុធថា មានជនស៊ីវិលចំនួន៣នាក់ បានស្លាប់ និង៩នាក់ផ្សេងទៀត បានរងរបួស នៅពេលគ្រាប់កាំភ្លើងត្បាល់ ត្រូវបានគេបាញ់ផ្លោងទៅលើផ្សារមួយកន្លែង ដែលមានមនុស្សកកុញនៅភាគនិរតីប្រទេសយេម៉ែន។
អង្គការមិនស្វែងរកប្រាក់ចំណេញនេះ បានបញ្ជាក់តាមរយៈគេហទំព័រធ្វីតធើរថា គ្រាប់ផ្លោងនោះត្រូវបានគេផ្លោងចូលផ្សារមួយកន្លែងនៅក្នុងក្រុងTaiz ជាក្រុងមួយ ដែលនៅមិនឆ្ងាយប៉ុន្មានពី កំពងផែMokhaនៃសមុទ្រក្រហម ហើយត្រូវបានឡោមព័ទ្ធដោយពួកឧទ្ទាមហ៊ូធីយេម៉ែន។
អង្គការMSF មិនបានបញ្ជាក់ថា តើការវាយឆ្មក់នោះ កើតឡើងនៅពេលណាទេ ហើយក៏មិនបានផ្តល់ព័ត៌មានលម្អិតថាតើអ្នកណាជាអ្នកទទួលខុសត្រូវដែរ។
សម្ព័ន្ធមិត្តរបស់អ៊ីរ៉ង់ ក្រុមឧទ្ធាមហ៊ូធី នៅភាគខាងជើង បានធ្វើសង្គ្រាមប្រឆាំងរដ្ឋាភិបាលរបស់លោកប្រធានាធិបតី Abedrabbo Mansour Hadi ដែលត្រូវបានគាំទ្រដោយសម្ព័ន្ធមិត្តយោធាដ៏មានឥទ្ធិពល ដែលដឹកនាំដោយអារ៉ាប់ប៊ី សាអ៊ូឌី និងអារ៉ាប់រួម។
មនុស្សជិត ១០០០០ នាក់ បានស្លាប់នៅក្នុងជម្លោះយេម៉ែន ចាប់តាំងពីឆ្នាំ២០១៥ នៅពេលដែលប្រទេស អារ៉ាប៊ី សាអូឌីត និងសម្ព័ន្ធមិត្ត បានចូលរួមក្នុងការប្រយុទ្ធរបស់រដ្ឋាភិបាល ដើម្បីប្រឆាំងនឹងក្រុមឧទ្ទាមហ៊ូធី ដែលនៅក្នុងចំនួនអ្នកស្លាប់នោះ មានកុមារជាង ២២០០នាក់៕ NS