.jpg)
បុរសសុីរីម្នាក់កំពុងសម្លឹងមើលសាកសពតម្រៀបជួរ នៅកន្លែងតម្កល់សាកសព ១ កន្លែង។ AFP
ក្រុងម៉ាអារីត អាល់-នូម៉ែន៖ ក្រុមឃ្លាំមើលសិទ្ធិមនុស្សបានថ្លែងថា ការវាយប្រហារផ្លូវអាកាសជាច្រើនលើកបានបង្កឲ្យជនស៊ីវិល ១៩ នាក់ស្លាប់ កាលពីថ្ងៃចន្ទ នៅក្នុងទីតាំងឈរជើងសំខាន់ចុងក្រោយនៅប្រទេស ស៊ីរី ជាកន្លែងប៉ះទង្គិចបណ្តាលឲ្យមនុស្សស្លាប់ច្រើនបំផុត រវាងកងកម្លាំងរបបស៊ីរី និងក្រុមកងកម្លាំងប្រដាប់អាវុធចាប់តាំងពីមានបទឈប់បាញ់មួយកាលពីខែសីហា។
ក្រុមឃ្លាំមើលសិទ្ធិមនុស្សស៊ីរីបានថ្លែងថា ចម្ងាយជាង ១០០ គីឡូម៉ែត្រ ពីភាគខាងជើងការវាយប្រហារកាំភ្លើងធំរបស់កងកម្លាំងតួកគីទៅលើទីក្រុងកាន់កាប់ដោយក្រុមឃើដក្នុងខេត្តអាឡិបប៉ូ បានបណ្តាលឲ្យជនស៊ីវិល ១១ នាក់ស្លាប់ នៅក្នុងនោះមានក្មេង ៨ នាក់។
ជម្លោះបង្ហូរឈាមរយៈពេល ៨ ឆ្នាំ នៅប្រទេស ស៊ីរី បានបង្កឲ្យមនុស្សជាង ៣៧ ម៉ឺននាក់ស្លាប់ និងរាប់លាននាក់ផ្សេងទៀត បានរត់ភៀសខ្លួនចាប់តាំងពីសង្គ្រាមបានចាប់ផ្តើមផ្ទុះឡើងនៅឆ្នាំ ២០១១។
សង្គ្រាមបានបន្តផ្តាច់ជីវិតមនុស្សយ៉ាងច្រើននៅប្រទេស ស៊ីរី ជាពិសេសនៅក្នុងតំបន់នៅខាងក្រៅការគ្រប់គ្រងរបស់រដ្ឋាភិបាលនេះ។
ក្រុមឃ្លាំមើលសិទ្ធិមនុស្សមានមូលដ្ឋាននៅអង់គ្លេសបានថ្លែងកាលពីថ្ងៃចន្ទថា របបស៊ីរីបានវាយប្រហារផ្លូវអាកាសជាច្រើនលើក ដោយបណ្តាលឲ្យជនស៊ីវិល ១៣ នាក់ស្លាប់ នៅក្នុងផ្សារលក់ដូរ ១ កន្លែងនៅក្នុងតំបន់ទីក្រុងម៉ាអារីត អាល់-នូម៉ែន នៃខេត្តអ៊ីដលីប។
អ្នកឆ្លើយឆ្លង AFP ម្នាក់ បានឃើញក្រុមបុគ្គលិកជួយសង្គ្រោះសែងបុរសរងរបួសម្នាក់លើស្នែងរបួសនៅតាមផ្លូវ ខណៈរាងកាយគាត់ដេកស្តូកស្តឹងប្រឡាក់ដោយឈាម៕ AFP/SK
