.jpg)
ក្រុងកាប៊ុលៈ អាជ្ញាធរបានថ្លែងកាលពីថ្ងៃចន្ទថា ជនស៊ីវិល ៨ នាក់បានស្លាប់ និង ២ នាក់ផ្សេងទៀតរងរបួស នៅក្នុងការបំផ្ទុះគ្រាប់បែក ២ ដាច់ដោយឡែកពីគ្នា នៅក្នុងប្រទេសអាហ្វហ្គានីស្ថាន។
ប៉ូលិសរដ្ឋធានីបានថ្លែងថា កាលពីព្រឹកថ្ងៃចន្ទ មនុស្ស ២ នាក់បានរងរបួស ក្រោយពីគ្រាប់បែកបានបង្កៃភ្ជាប់ជាមួយរថយន្តមួយគ្រឿង ត្រូវបានចុចបំផ្ទុះនៅពេលព្រឹកនៅក្នុងតំបន់ទីតាំងម៉ាក្រូរីយ៉ាន់អ៊ីចារុម ដែលជាសង្កាត់ប៉ូលិសទី៩ របស់រដ្ឋធានីជាតិ ក្រុងកាប៊ុល។
អត្តសញ្ញាណអ្នកស្លាប់នៅក្នុងរថយន្តនោះ មិនទាន់បានដឹងភ្លាមៗនៅឡើយទេ។
អ្នកនាំពាក្យក្រសួងមហាផ្ទៃ គឺលោក តារិក អារៀន បានថ្លែងប្រាប់កាសែតស៊ីនហួថា កាលពីថ្ងៃអាតិទ្យកន្លងទៅ ជនស៊ីវិល ៨ នាក់បានស្លាប់ ក្រោយពីរថយន្តមួយគ្រឿងបានឆេះដោយសារការផ្ទុះគ្រាប់កែឆ្នៃមួយ នៅក្នុងសង្កាត់អាហ្គីស្ថាន នៃខេត្តកាន់ដាហារភាគខាងត្បូង។
លោកបានស្តីបន្ទោសទៅលើក្រុមយោធាតាលីបង់ ជុំវិញការវាយប្រហារនៅក្នុងតំបន់នោះ ចម្ងាយ ៤៥០ គីឡូម៉ែត្រ ពីក្រុងកាប៊ុលភាគខាងត្បូង៕ Xinhua/SK
