The Phnom Penh Post Search

Search form

ជប៉ុន ​ព្រមាន​ថា ​សម​យុទ្ធ​យោធា​អាមេរិក-​កូរ៉េ​ខាង​ត្បូង​ ​សំខាន់​ណាស់​

Content image - Phnom Penh Post
(ពីឆ្វេង​) រដ្ឋមន្ត្រីកា​រ​ពារកូ​រ៉េខាងត្បូង​លោក Song Young-moo ​​​រ​ដ្ឋមន្ត្រី​ការ​​ពារជប៉ុនលោក​ Itsunori Onodera និង​​​រ​ដ្ឋមន្ត្រី​​ការ​ពារជាតិ​​អាមេរិក​លោក ជីម ម៉ាធីស។ AFP

ជប៉ុន ​ព្រមាន​ថា ​សម​យុទ្ធ​យោធា​អាមេរិក-​កូរ៉េ​ខាង​ត្បូង​ ​សំខាន់​ណាស់​

ក្រុង​តូក្យូៈ ជប៉ុន​បាន​ឲ្យ​ដឹង​នៅ​ថ្ងៃ​ពុធ​នេះថា​ សម​យុទ្ធ​យោធា​អាមេរិក​ជា​មួយ​កូរ៉េ​ខាង​ត្បូង​ និង​វត្ត​មាន​កង​ទ័ព​អាមេរិក​​នៅទី​នោះ មាន​សារៈ​សំខាន់​សម្រាប់​សន្តិ​សុខ​ក្នុង​តំបន់​ ដោយ​បាន​លើក​ឡើង​ពី​កង្វល់​ជា​ច្រើន ​ក្រោយ​ពី​ប្រធានា​ធិបតី​អាមេរិក​ លោក​ ដូ​ណាល់​ ត្រាំ​ ថ្លែង​ថា​ សម​យុទ្ធ​ទាំង​នោះ​ នឹង​ត្រូវ​បញ្ឈប់​។

រដ្ឋ​មន្ត្រី​ការ​ពារ​ជាតិ​ជប៉ុន​លោក​Itsunori Onodera ​បាន​ថ្លែង​ នៅ​ពេល​ដែល​ត្រូវ​គេ​ចោទ​សួរ​អំពី​កា​រ​ប្រកាស​គួរ​ឲ្យ​ភ្ញាក់​ផ្អើល​របស់​ លោក​ ដូណាល់​ ត្រាំ ​ថា៖«​សមយុទ្ធ​ និង​យោធា​អាមេរិកដែល​ឈរ​ជើង​នៅ​កូរ៉េ​ខាង​ត្បូង ​ដើរ​តួ​នាទីយ៉ា​ង​សំខាន់​មួយ​នៅ​ក្នុង​សន្តិ​សុខ​របស់​តំបន់​អាស៊ី​ខាង​កើត​»​។

លោក​ បាន​ថ្លែង​ប្រាប់​ក្រុម​អ្នក​កាសែត​ថា៖​«ខ្ញុំ​សង្ឃឹម​ថា​ នឹង​ចែក​រំលែក​ការ​ទទួល​ស្គាល់​រវាង​​ជប៉ុន​ និង​អាមេរិក​ ឬ​ នៅ​ក្នុង​ចំណោម​ជប៉ុន​ អាមេ​រិក​ និង​កូរ៉េ​ខាង​ត្បូង»។

កាល​ពី​ថ្ងៃ​អង្គារ ​លោក​ត្រាំ​ បាន​ធ្វើ​ឲ្យ​ក្រុម​អ្នក​សង្កេត​ការណ៍​ភ្ញាក់​ផ្អើល ​ក្រោយ​ពី​ជំនួប​ជា​មួយ​មេ​ដឹក​នាំ​កូរ៉េ​ខាង​ជើង ​ដោយ​បាន​ថ្លែង​ថា ​សម​យុទ្ធ​យោធា​ រួម​អា​មេ​រិក-កូរ៉េ​ខាង​ត្បូង​ នឹង​ត្រូវ​បញ្ឈប់​ ខណៈ​ក្រុង​ព្យុង​យ៉ាង​ មាន​កិច្ច​ព្រម​ព្រៀង​មួយ​ ជា​មួយ​ក្រុង​ព្យុង​យ៉ាង​នោះ​៕ PSA

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។