កាលពីថ្ងៃចន្ទ ទី ១៥ មីនា រដ្ឋធានីប៉េកាំង និងតំបន់ជាច្រើននៅភាគខាងជើងនៃប្រទេសចិន ត្រូវបានគ្របដណ្ដប់ដោយព្យុះខ្សាច់អាក្រក់បំផុតក្នុងរយៈពេលជាច្រើនទសវត្សរ៍ ធ្វើឱ្យមានការលុបចោលជើងហោះហើររាប់រយ។
មជ្ឈមណ្ឌលឧតុនិយមជាតិបាននិយាយថា ព្យុះកាលពីថ្ងៃចន្ទ បានកើតឡើងនៅវាលខ្សាច់ហ្គូប៊ី ក្នុងតំបន់ម៉ុងហ្គោលីខាងក្នុង។ សាលារៀនត្រូវបានគេណែនាំឱ្យបិទហើយសេវាកម្មរថយន្តក្រុងត្រូវបានបន្ថែម ដើម្បីកាត់បន្ថយការប្រឈមរបស់ប្រជាជនចំពោះស្ថានភាពលំបាក៕