.jpg)
លោកប៊ីល ហ្គេត (ឆ្វេង) ចាប់ដៃជាមួយអតីតអគ្គលេខាធិការអង្គការសហប្រជាជាតិលោក បាន គីមូន។ AFP
បុរីញូវយ៉កៈ លោកមហាសេដ្ឋីជាតិនិយមប៊ីល ហ្គេតដែលមូលនិធិរបស់លោកបានចេញរបាយការណ៍ប្រចាំឆ្នាំរបស់ខ្លួនកាលពីថ្ងៃអង្គារ បានថ្លែងថា ពិភពលោកគួរតែជួយប្រទេសអាហ្រ្វិក វិនិយោគលើយុវជន ខណៈទ្វីបនេះកំពុង ប្រឈមនឹងការកើនឡើងនៃចំនួនប្រជាជន។
លោកប៊ីល ហ្គេត បានផ្តល់យោបល់ដ៏សាមញ្ញមួយថា ការវិនិយោគទៅលើសុខភាព និងការអប់រំរបស់ក្មេងជំនាន់ក្រោយ នឹងជួយដល់ការប្រយុទ្ធប្រឆាំងនឹងភាពក្រីក្រ។
មូលនិធិ Bill និង Melinda Gates បានចេញរបាយការណ៍ Goalkeepers ប្រចាំឆ្នាំរបស់ខ្លួន បានធ្វើការវាស់វែងការរីកចម្រើនឈានទៅរកការសម្រេចគោលដៅកាត់បន្ថយភាពក្រីក្ររបស់អ.ស.ប.នៅក្នុងឆ្នាំ ២០៣០។
របាយការណ៍នោះ បានព្រមានថា ខណៈដែលភាពក្រីក្រថយចុះនៅទូទាំងពិភពលោក កំណើនចំនួនប្រជាជនអាចថយចុះ ហើយការរីកចម្រើន នៃសេដ្ឋកិច្ចអាចកើនឡើង។
របាយការណ៍នោះ បានឲ្យដឹងទៀតថា៖ «ប្រសិនបើការវិនិយោគទាំងឡាយណា ត្រូវបានធ្វើឡើងត្រឹមត្រូវ ពលរដ្ឋអាហ្រ្វិកវ័យក្មេងនឹងចូលរួមចំណែកដល់កំណើនសេដ្ឋកិច្ចជាតិ ហើយកំណើនប្រជាជនទំនងជានឹងថយចុះដូចនៅក្នុងប្រទេសជាច្រើនទៀត។ អត្រានៃភាពក្រីក្រនៅក្នុងរបាយការណ៍នោះ បានបង្ហាញថា ត្រឹមឆ្នាំ ២០៥០ ប្រជាជនក្រីក្រជាង ៤០ ភាគរយនៅក្នុងពិភពលោកនឹងរស់នៅក្នុងប្រទេស ២ គឺសាធារណរដ្ឋប្រជាធិបតេយ្យកុងហ្គោ និងប្រទេសនីហ្សេរីយ៉ា។
លោកប៊ីល ហ្គេត បានថ្លែងប្រាប់ក្រុមអ្នកកាសែតថា៖ «ការប្រឈមនឹងកំណើនប្រជាជននៅក្នុងប្រទេសអាហ្រ្វិក នាំឲ្យកើតគំនិតសាមញ្ញាមួយ ដែលពិភពលោកគួរតែជួយអាហ្រ្វិកធ្វើការវិនិយោគទៅលើធនធានមនុស្សរបស់ខ្លួន និងមានន័យថា សុខភាព និងការអប់រំដល់ក្មេងៗជំនាន់ក្រោយនឹងកើតឡើងនៅអាហ្រ្វិក៕
