.jpg)
សមាជិកនៃកងកម្លាំងសន្តិសុខយេម៉ែន ចុះពង្រឹងសន្តិសុខនៅតាមដផ្លូវនៅក្រុងអាដែនភាគខាងត្បូងកាលពីថ្ងៃទី ៩ខែធ្នូ។ AFP
ក្រុងឌូបៃៈ រដ្ឋាភិបាលយេម៉ែននិងក្រុមបំបែកខ្លួនភាគខាងត្បូង ខកខានមិនបានជួបប្រជុំទៅតាមកាលបរិច្ឆេទមួយ ដើម្បីបង្កើតរដ្ឋាភិបាលបែងចែកអំណាច ជាការគំរាមឲ្យចុះហត្ថលេខាជុំវិញក្តីសង្ឃឹមនៃកិច្ចព្រមព្រៀងទូលំទូលាយ ដើម្បីបញ្ចប់សង្គ្រាមអស់ជាច្រើនឆ្នាំ។
ជម្លោះនៅយេម៉ែនដែលបានបណ្តាលឲ្យមនុស្សរាប់ម៉ឺននាក់ស្លាប់ ហើយបានជំរុញឲ្យមនុស្សរាប់លាននាក់ ធ្លាក់ចូលក្នុងគ្រោះទុរ្ភិក្ស សង្គ្រាមនោះបានផ្ទុះឡើងកាលពីឆ្នាំ ២០១៤ នៅពេលរដ្ឋាភិបាលត្រូវបានគេបង្ខំឲ្យរត់ចេញពីរដ្ឋធានីសាណា ដោយក្រុមឧទ្ទាមហ៊ូធីមានសម្ព័ន្ធមិត្តជាមួយអ៊ីរ៉ង់ ដោយបានបង្កឲ្យមានការធ្វើអន្តរាគមន៍យោធាដឹកនាំដោយអារ៉ាប៊ី សាអ៊ូឌីត។
បញ្ហាកាលពីខែសីហា បានផ្ទុះឡើងវិញទៅលើក្រុមរណសិរ្សបំបែកខ្លួនមួយ ខណៈក្រុមផ្តាច់ខ្លួននៅភាគខាងត្បូង បានដណ្តើមគ្រប់គ្រងយកទីក្រុងអាឌែន ជាទីក្រុងបណ្តោះអាសន្នរបស់រដ្ឋាភិបាលបានទទួលស្គាល់ដោយអន្តរជាតិ។
ប្រទេស អារ៉ាប់រួម ជាផ្នែកដ៏សំខាន់មួយរបស់ក្រុមចម្រុះដឹកនាំដោយអារ៉ាប៊ី សាអ៊ូឌីត បានជួយប្រយុទ្ធជាមួយក្រុមឧទ្ទាមហ៊ូធីនៅក្នុងជម្លោះទ្រង់ទ្រាយធំនៅយេម៉ែន ដែលបានបណ្តុះបណ្តាលហើយបានរក្សាទំនាក់ទំនងយ៉ាងជិតស្និទ្ធជាមួយក្រុមកងកម្លាំងបំបែកខ្លួន ដោយបានផ្តល់សញ្ញាថា មានការបែកបាក់គ្នានៅក្នុងការធ្វើអន្តរាគមន៍ របស់ក្រុមប្រទេសមហាអំណាចឈូងសមុទ្រមួយនេះ៕ SK
