The Phnom Penh Post Search

Search form




Logo of Phnom Penh Post newspaper Phnom Penh Post - តាលីបង់ៈ កិច្ច​ចរចា​ជុំ​ថ្មី​បំផុត​អាមេរិក​-តាលីបង់ ​បញ្ចប់​ជាមួយ​លទ្ធផល​ផ្លែផ្កា​​

តាលីបង់ៈ កិច្ច​ចរចា​ជុំ​ថ្មី​បំផុត​អាមេរិក​-តាលីបង់ ​បញ្ចប់​ជាមួយ​លទ្ធផល​ផ្លែផ្កា​​

Content image - Phnom Penh Post
​​ទាហានអាហ្វហ្គានីស្ថាន ឈរយាម​ក្នុង​អំឡុង​ពិធីបុណ្យ​ Eid al-Adha។ AFP

តាលីបង់ៈ កិច្ច​ចរចា​ជុំ​ថ្មី​បំផុត​អាមេរិក​-តាលីបង់ ​បញ្ចប់​ជាមួយ​លទ្ធផល​ផ្លែផ្កា​​

ក្រុង​កាប៊ុលៈ ​អ្នក​នាំពាក្យ​ក្រុម​តាលីបង់​ បាន​ថ្លែង​កាល​ពី​ថ្ងៃ​ចន្ទ​ថា​ ការ​ចរចា​រវាង​អាមេរិក ​និង​ក្រុម​តាលីបង់​ ​បាន​បញ្ចប់​​​កិច្ច​ចរចា​ជុំ​ថ្មី​បំផុត​របស់​ពួក​គេ​​ដើម្បី​​ឈាន​ដល់​​កិច្ច​ព្រមព្រៀង​មួយ​ ដែល​មើល​ឃើញ​ថា អាមេរិក​កាត់​បន្ថយ​វត្តមាន​កងកម្លាំង​របស់​ខ្លួន​នៅ​អាហ្វហ្គានីស្ថាន​។​

យោង​តាម​លោក​ Zabihullah Mujahid ​បាន​ឲ្យ​ដឹង​ថា ​កិច្ច​ពិភាក្សា​ជុំ​ទី៨​ ដែល​បាន​​ធ្វើ​ឡើង​នៅ​ក្រុង​ដូហា​នោះ​បាន​បញ្ចប់​នៅ​ពាក់​កណ្តាល​​អាធ្រាត្រ​ថ្ងៃ​ចន្ទ​។​

លោក​ Mujahid បាន​សរសេរ​នៅ​ក្នុង​គេហទំព័រ​ធ្វីធើរ​ថា៖ «​ការងារ​​ចរចា​នោះ​ ​ធ្វើ​ឲ្យ​យើង​អស់​កម្លាំង​យ៉ាង​ខ្លាំង​ ប៉ុន្តែ​​​ទទួល​បាន​​លទ្ធផល​​ផ្លែ​ផ្កា​។​

ភាគី​ទាំង ​២ ​បាន​ឯកភាព​គ្នា​​​ដើម្បី​ពិគ្រោះ​យោបល់​ជាមួយ​​ថ្នាក់​ដឹកនាំ​របស់​ពួក​គេ​សម្រាប់​ជំហាន​បន្ត​ទៀត​។

មិន​មាន​ការ​ធ្វើ​អត្ថាធិប្បាយ​ភ្លាមៗ​ចេញ​ពី​ស្ថានទូត​អាមេរិក​​នៅ​ក្រុង​​កាប៊ុល​ទេ​។​

កាល​ពី​ថ្ងៃ​អាទិត្យ​ ប្រេសិត សន្តិភាព​ពិសេស​របស់​​អាមេរិក​លោក​ Zalmay ​Khalilzad ​បាន​ថ្លែង​នៅ​ក្នុង​គេហទំព័រ​ធ្វីធើរ​ថា៖ ​«​ខ្ញុំ​សង្ឃឹម​ថា​ នេះ​គឺ​ជា​ថ្ងៃ​បុណ្យ ​Eid ​ចុង​ក្រោយ​ ជា​ទី​ដែល​ប្រជាជន​អាហ្វហ្គានីស្ថាន​​ស្ថិត​នៅ​ក្នុង​សង្គ្រាម​នៅ​ឡើយ​»​ ដោយ​បាន​ថ្លែង​សំដៅ​ទៅ​លើ​ថ្ងៃ​បុណ្យ​ Eid al-Adha ​ដែល​កំពុង​ធ្វើ​ឡើង​នៅ​ក្នុង​ពិភព​មូស្លីម​នោះ​។​

ការ​ចរចា​បាន​ឈាន​ទៅ​រក​ឲ្យ​មាន​សន្តិភាព​នៅ​ក្រុង​កាប៊ុល ​នៅ​ក្នុង​រយៈពេល​ប៉ុន្មាន​ថ្ងៃ​ថ្មីៗ​នេះ​ ដែល​សេចក្តី​ប្រកាស​​កិច្ច​ព្រមព្រៀង ​US-តាលីបង់ ​អាច​​ត្រូវ​ធ្វើ​ឡើង​នៅ​ពេល​ឆាប់ៗ​នេះ៕​ AFP/SK

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។