តុលាការកំពូលប្រេស៊ីល កាលពីថ្ងៃអង្គារ បានសម្រេចថាអតីតប្រធានាធិបតីលោក Luiz Inacio Lula da Silva គឺត្រូវបានផ្ដន្ទាទោសដោយចៅក្រមមិនអព្យាក្រឹតក្នុងសំណុំរឿងពុករលួយ ដែលការសម្រេចនេះបានពង្រឹងឱកាសរបស់លោកក្នុងការឈរឈ្មោះប្រឆាំងនឹងលោកប្រធានាធិបតី Jair Bolsonaro នៅក្នុងការបោះឆ្នោតឆ្នាំក្រោយ។
អង្គចៅក្រមតុលាការកំពូលបានរកឃើញថា ចៅក្រម Sergio Moro បានធ្វើការសម្រេចចិត្តដោយលម្អៀងក្នុងការត្រួតពិនិត្យការស៊ើបអង្កេតអំពើពុករលួយ។ តុលាការបានសម្រេចថា ភ័ស្តុតាងបានមកពីការស៊ើបអង្កេត ដែលអាចត្រូវបានប្រើប្រឆាំងនឹង Lula da Silva គឺត្រូវចាត់ទុកជាមោឃៈ។
សេចក្ដីសម្រេចរបស់តុលាការកំពូលក៏អាចជាគំរូសម្រាប់អ្នកនយោបាយ និងមេដឹកនាំជំនួញផ្សេងទៀត ដែលជាប់ពន្ធនាគារ ដើម្បីលុបចោលភ័ស្តុតាងប្រឆាំងនឹងពួកគេដែលបានប្រមូលផ្ដុំនៅក្នុងការស៊ើបអង្កេតពុករលួយរយៈពេល ៧ ឆ្នាំនេះ។