.jpg)
លោក Jimmy Lai (កណ្តាល) មកដល់តុលាការ ដើម្បីស្តាប់សេចក្តីសម្រេចថាតើលោកត្រូវបានអនុញ្ញាតឲ្យនៅក្រៅឃុំ ឬយ៉ាងណា?
កាលពីថ្ងៃអង្គារទី ៩ កុម្ភៈ តុលាការកំពូលរបស់ហុងកុងបានបដិសេធការឃុំលោក Jimmy Lai ក្រៅឃុំដែលលោកត្រូវបានចោទប្រកាន់ក្រោមច្បាប់សន្តិសុខជាតិរបស់ទីក្រុងហុងកុង។
លោក Lai ត្រូវបានឃុំខ្លួនចាប់តាំងពីថ្ងៃទី ៣ ខែធ្នូ កន្លងទៅ ហើយគាត់ត្រូវបានដោះលែងឱ្យនៅក្រៅឃុំប្រហែលមួយសប្តាហ៍កាលពីចុងឆ្នាំ ២០២០។ ថ្ងៃទី ២៣ ខែធ្នូ លោក Lai ត្រូវបានតុលាការអនុញ្ញាតឱ្យនៅក្រៅឃុំដោយការធនាចេញពីគុកប៉ុន្តែត្រូវបានឃាត់ខ្លួនម្តងទៀតនៅថ្ងៃទី ៣១ ខែធ្នូ សម្រាប់សវនាការមួយផ្សេងទៀត បន្ទាប់ពីមានបណ្តឹងពីរដ្ឋាភិបាល។
ដោយនៅមាត្រា ៤២ នៃច្បាប់សន្តិសុខជាតិបានចែងថា៖ «មិនមាអនុញ្ញាតិឲ្យមានការធានាចេញពីគុកចំពោះមុខជនសង្ស័យ ឬជនជាប់ចោទព្រហ្មទណ្ឌទេលើកលែងតែចៅក្រមមានមូលហេតុគ្រប់គ្រាន់ក្នុងការជឿថា ជនសង្ស័យឬជនជាប់ចោទព្រហ្មទណ្ឌនឹងមិនបន្តធ្វើសកម្មភាពដែលបង្កគ្រោះថ្នាក់ដល់សន្តិសុខជាតិ»។
គួរបញ្ជាក់ផងដែរថា រដ្ឋាភិបាលក្រុងប៉េកាំង បានដាក់ចេញនូវច្បាប់សន្តិសុខជាតិនៅក្រុងហុងកុងកាលពីខែមិថុនា ឆ្នាំ ២០២០ បន្ទាប់ពីមានការតវ៉ាគាំទ្រលទ្ធិប្រជាធិបតេយ្យកាលពីឆ្នាំ ២០១៩៕
