The Phnom Penh Post Search

Search form

Logo of Phnom Penh Post newspaper Phnom Penh Post - តុលាការ​កំពូល​កេនយ៉ា​តម្កល់​លទ្ធផល​បោះឆ្នោត​ផ្ទុះ​ការ​ប៉ះ​ទង្គិច​នឹង​ប៉ូលិស




តុលាការ​កំពូល​កេនយ៉ា​តម្កល់​លទ្ធផល​បោះឆ្នោត​ផ្ទុះ​ការ​ប៉ះ​ទង្គិច​នឹង​ប៉ូលិស

តុលាការ​កំពូល​កេនយ៉ា​តម្កល់​លទ្ធផល​បោះឆ្នោត​ផ្ទុះ​ការ​ប៉ះ​ទង្គិច​នឹង​ប៉ូលិស

130401_19b
ប៉ូលិសកាន់ខែល ការពារការគប់ដុំថ្មពីក្រុមកុបករនៅក្រុងណៃរ៉ូប៊ី AFP

ក្រុង ណៃរ៉ូប៊ីៈ តុលាការ​កំពូល​កេនយ៉ា​កាល​ពី​ថ្ងៃ​សៅរ៍​បាន​តម្កល់​ជ័យជម្នះ​នៃ​ការ​បោះ​ឆ្នោត​ប្រធានា​ធិបតី​របស់​លោក អូហូរ៉ូ កេន​យ៉ាតា​ដោយ​ច្រាន​ចោល​ញត្តិ​មួយ ជុំវិញ​ភាព​មិន​ប្រក្រតី​ដែល​ប្តឹង​ដោយ​លោក រ៉ៃឡា អូឌីនហ្គា​ដែល​ព្រម​ទទួល​យក​បរាជ័យ ដើម្បី​ជា​ប្រយោជន៍​នៃ​ការ​បង្រួប​បង្រួម​មតិ​។

អ្នក​យក​ព័ត៌មាន AFP​ម្នាក់​បាន​និយាយ​ថា ការ​ប៉ះ​ទង្គិច​បាន​ផ្ទុះ​ឡើង​ភ្លាមៗ​រវាង​ក្រុម​យុវជន និង​កម្លាំង​ប៉ូលិស​នៅ​ក្រុង​គីស៊ូម៉ូ ជា​ទី​ប្រជុំជន​ដ៏​ធំ​បំផុត​នៅ​ក្នុង​ទីតាំង​រឹង​មាំ​ភាគ​ខាង​លិច​របស់​លោក អូ ឌីនហ្គា ធ្វើ​ឲ្យ​មនុស្ស​យ៉ាង​ហោច​ណាស់​ពីរ​នាក់​បាន​រង​របួស​។

មន្ត្រី​ប៉ូលិស​ម្នាក់​នៅ​ក្រុង​គីស៊ូម៉ូ​ដែល​សុំ​មិន​បញ្ចេញ​ឈ្មោះ​បាន​និយាយ​ថា មនុស្ស​៧​នាក់​បាន​រង​របួស​ពី​គ្រាប់​កាំភ្លើង បន្ទាប់​ពី​ក្រុម​ប៉ូលិស​បើក​ការ​ប្រហារ ប៉ុន្តែ​មិន​ទាន់​មាន​ការ​បញ្ជាក់​ភ្លាមៗ​ទេ។

ដំបូង​ហ្វូង​អ្នក​តវ៉ា​ត្រូវ​បាន​ប៉ូលិស​បំបែក ប៉ុន្តែ​បន្ទាប់​មក​ពួក គេ​បាន​ប្រមូល​ផ្តុំ​គ្នា​ឡើង​វិញ នៅ​ពេល​យប់​ដើម្បី​គប់​ដុំ​ថ្ម​លើ​រថយន្ត តូច​និង​ម៉ូតូ​ដែល​បណ្តាល​ឲ្យ​មាន​អ្នក​របួស​ជា​ច្រើន​។ អ្នក​យក​ព័ត៌មាន AFP បាន​និយាយ​ថា ហាង​ជា​ច្រើន​ត្រូវ​បាន​គេ​លួច​ហើយ​អ្នក ឆ្លង​កាត់​ត្រូវ​គេ​ប្លន់​ខណៈការ​ផ្ទុះ កាំ​ភ្លើង​រប៉េះ​រប៉ោះ​បាន​លាន់​ឮ។

នៅ​ពេល​រសៀល​ក្នុង​ក្រុង​ណៃរ៉ូប៊ី ប៉ូលិស​បាន​ប្រើ​ឧស្ម័ន​បង្ហូរ​ទឹក​ភ្នែក​ដើម្បី​បំបែក​ក្រុម​អ្នក​គាំទ្រ​របស់​លោក អូឌីនហ្គា​ដែល​តវ៉ា​នៅ​ក្នុង​មជ្ឈ​មណ្ឌល​ក្រុង​។

ឧបទ្ទវហេតុ និង​ភាព​តាន​តឹង​ក៏ ត្រូវ​បាន​គេ​រាយ​ការណ៍​ថា នៅ​ក្នុង​ពេល​ក្បាល​ព្រលប់​ក្នុង​តំបន់​អនាធិបតេយ្យ​ដែល​មាន​ប្រពៃណី​ស្មោះ​ស្ម័គ្រ​នឹង​លោក​អូឌីនហ្គា​។ ស្នង​ការ​ប៉ូលិស​ក្រុង​ណៃរ៉ូប៊ី បាន​និយាយ​ថា កម្លាំង​ជំនួយ​ត្រូវ​បាន​បញ្ជូន​មក​កាន់​តំបន់​នៃ​ទី​ប្រជុំជន​ទាំង​នោះ។ លោក​បាន​និយាយ​ពី​ការ​ប៉ះ​ទង្គិច​គ្នា ប៉ុន្តែ​លោក​មិន​បាន​និយាយ​លម្អិត​ទេ​។

ចៅ​ក្រម​តុលាការ​កំពូល​កេនយ៉ា ៦​រូប បាន​ទាត់​ចោល​ក្តី​សង្ឃឹម​នៃ​ជ័យ​ជម្នះ​ចុង​ក្រោយ​របស់​លោក អូឌីនហ្គា ដោយ​ការ​សម្រេច​ជា​ឯកច្ឆន្ទ​ថា ការ​បោះឆ្នោត​ថ្ងៃ​ទី៤ ខែ​មីនា​គឺ​យុត្តិធម៌ និង​មាន​តម្លាភាព​ហើយ លោក​កេនយ៉ាតា និង​សហជីវិន​ឈរ​ឈ្មោះ​របស់​លោក ទទួល​បាន​ជ័យជម្នះ​ដោយ​សុពលភាព​ត្រឹម​ត្រូវ​អនុវត្ត​ទៅ​តាម​មាត្រា​នៃ​រដ្ឋ​ធម្មនុ្ញញ៕  CC

អត្ថបទគួរចាប់អារម្មណ៍