The Phnom Penh Post Search

Search form

តៃវ៉ាន់​​ ពង្រឹង​វិស័យ​ការពារជាតិ​និង​ដោះស្រាយ​វិបត្តិ​ដោយ​សន្តិវិធី

Content image - Phnom Penh Post
លោកស្រីសៃ អ៊ីងវិន ​ថ្លែង​ខណៈ​ចូលរួម​ពិធីបុណ្យ​ជាតិ​នៅ​ក្រុង​តៃប៊ិ​ កាល​ពីថ្ងៃ​ទី ១០ តុលា ។ AFP

តៃវ៉ាន់​​ ពង្រឹង​វិស័យ​ការពារជាតិ​និង​ដោះស្រាយ​វិបត្តិ​ដោយ​សន្តិវិធី

ក្រុងតៃប៉ិ: ប្រធានាធិបតី​តៃវ៉ាន់​លោកស្រី​សៃ អ៊ីងវិន បាន​សន្យា​កាល​ពីថ្ងៃ​អង្គារ​ថា នឹង​ពង្រឹង​វិស័យ​យោធា ហើយ​លោកស្រី​បាន​បន្ថែម​ទៀត​ថា​មិន​បង្ក​សង្គ្រាម​ទេ ខណៈ​កំពុង​មាន​ភាព​តានតឹង​ផ្នែក​ការទូត​ជាមួយ​នឹង​ចិន​នោះ។

ទំនាក់ទំនង​កាត់​ខ្សែ​ទទឹង បាន​ធ្លាក់ចុះ​យ៉ាង​ឆាប់​រហ័ស ចាប់តាំង​ពី​លោកស្រី​សៃ បាន​ស្បថ​ចូលកាន់​តំណែង​ក្នុង​ខែ​ឧសភា ដោយ​ក្រុង​ប៉េកាំង បាន​កាត់ផ្តាច់​គ្រប់​ចំណង​ទាក់ទង​ការទូត​ផ្លូវរដ្ឋ​ទាំងអស់​ជាមួយ​ក្រុង​តៃប៉ិ ខណៈ​ចិន​មិន​មាន​ទំនុកចិត្ត​លើ​គណបក្ស​កំណែ​ទម្រង់​និយម​ប្រជាធិបតេយ្យ​គាំទ្រ​ការ​បំបែក​រដ្ឋ (DPP) របស់​លោកស្រី​នោះ។

ភាគី​ទាំងពីរ បាន​ផ្តាច់​ខ្លួន​ពីគ្នា​បន្ទាប់ពី​មាន​សង្គ្រាម​ស៊ីវិល​ក្នុង​ឆ្នាំ ១៩៤៩ ប៉ុន្តែ​ចិន​នៅ​តែ​ចាត់ទុក​ដែនដី​តៃវ៉ាន់ ដែល​ផ្តាច់​ខ្លួន​នោះ ជា​ខេត្ត​មួយ​របស់​ខ្លួន ដែល​នឹង​អាច​ភ្ជាប់​ក្នុង​អធិបតេយ្យ​របស់​ខ្លួន​វិញ ដោយ​ប្រើប្រាស់​កម្លាំង​ទ័ព បើ​ចាំបាច់។

លោកស្រី​សៃ បាន​ថ្លែង​កាល​ពី​ថ្ងៃ​អង្គារ​នៅ​ក្នុង​សេចក្តី​ថ្លែងការណ៍​ថ្នាក់ជាតិ​មួយ​នៅឯ​កន្លែង​ប្រារព្ធ​ពិធី​ទិវា​ជាតិ ជាការ​ថ្លែង​លើក​ទីពីរ​របស់​លោកស្រី ចាប់តាំង​ពី​លោកស្រី បាន​ស្បថ​ចូលកាន់​តំណែង​កាល​ពី​ឆ្នាំមុន។

លោកស្រី​បាន​ថ្លែងថា តៃវ៉ាន់​បាន​ប្តេជ្ញា​ផលិត​យន្តហោះ​ចម្បាំង និង​នាវា​មុជទឹក​របស់​ខ្លួន និង​គួរ​ត្រៀម​ខ្លួន​ជាស្រេច ដើម្បី​ប្រឈម​ការ​កើន​ឡើង​នៃ​គ្រោះថ្នាក់​ផ្នែក​សន្តិសុខ​លើ​បណ្តាញ​កុំព្យូទ័រ និង​ការ​លួច​ធ្វើ​ចារកម្ម។

លោកស្រី​សៃ អ៊ីងវិន បាន​ថ្លែង​បន្ថែម​ថា ទឹកចិត្ត​កងទ័ព និង​ការផ្តល់​ផល​ប្រយោជន៍​ដល់​ក្រុម​កូន​ទាហាន ក៏​នឹងត្រូវ​លើក​កម្ពស់ ពោល​គឺ​ពង្រឹង​សមត្ថភាព​ការពារ​ជាតិ៕

អត្ថបទគួរចាប់អារម្មណ៍

  • Qatar Airways នៅ​តែ​បន្ត​ពង្រីក​អាជីវកម្ម

    ក្រុងដូហាៈ ក្រុមហ៊ុន Qatar Airways នឹង​បន្ត​ពង្រីក​អាជីវកម្ម បើ​ទោះ​ជា​ក្រុមហ៊ុន​នេះ​ត្រៀម​ខ្លួន​ប្រកាស​ពី​ការខាតបង់​ប្រចាំ​ឆ្នាំ «​ដ៏ច្រើន​» ដោយសារ​ការហាមឃាត់​មិន​ឲ្យ​ប្រើប្រាស់​ដែនអាកាស​របស់​ប្រទេស​ជិត​ខាង​ក្តី​។ នេះ​បើ​យោង​តាម​នាយក​ប្រតិបត្តិ​របស់​ក្រុមហ៊ុន​អាកាសចរណ៍​មួយ​នេះ​កាលពី​ថ្ងៃ​ចន្ទ​។

  • អ្នកភូមិ​ចង់​បណ្តេញ​ជនបរទេស​ ១ ​គ្រួសារ​ដែល​កំពុង​រស់នៅ​ការពារ​ព្រៃ​អភិរក្ស

    ព្រះវិហារៈ គ្រួសារ​បរទេស​មួយ​ដែល​បាន​បង្កើត​គម្រោង​អភិរក្ស និង​តំបន់​អេកូ​ទេសចរណ៍​នៅ​ដែនជម្រក​សត្វព្រៃ​ភ្នំ​ត្នោត​កំពុង​តែ​ត្រូវ​អ្នកភូមិ​នាំ​គ្នា​ផ្តិត​មេដៃ បង្ខំ​ឲ្យ​ចាកចេញ​ដោយសារ​តែ​ទំនាស់​រឿង​ព្រៃឈើ និង​សត្វព្រៃ​នៅ​ក្នុង​តំបន់​អភិរក្ស​ដែល​កំពុង​ប្រឈម​នឹង​ការកាប់​ទន្ទ្រាន​យក​ដី​។

  • ចំណូល​អាជីវកម្ម​តន្ត្រី​ឌីជីថល​កើន​ខ្ពស់

    ក្រុងញូវយ៉កៈ អាជីវកម្ម​ផ្នែក​ឧស្សាហកម្ម​តន្រី្ដ​របស់​ពិភពលោក​បាន​កើនឡើង​ខ្ពស់​បំផុត​រហូត​ដល់​ ៨,១ ​ភាគរយ​កាលពី​ឆ្នាំ​ ២០១៧ ខណៈ​ការលក់​តាម​ឌីជីថល​លើក​ដំបូង​រក​បាន​ប្រាក់ចំណេញ​ភាគច្រើន​ដោយសារ​តែ​កំណើន​ការចាក់​ផ្សាយ​ចម្រៀង​។

  • Bayern រៀបចំ​ផែនការ​ទម្លាក់​ជើង​ខ្លាំង Real នៅ​រាត្រី​នេះ

    ក្រុងមុយនិច: លោក Jupp Heynckes នឹង​រៀបចំ​ផែនការ​ផ្សេងៗ​ដើម្បី​ទម្លាក់​អតីត​ក្លិប​របស់​ខ្លួន​គឺ Real Madrid ក្នុង​ការ​ប្រកួត​ក្របខ័ណ្ឌ Champions League វគ្គ​ពាក់​កណ្តាល​ផ្តាច់​ព្រ័ត្រ ជើង​ទី ១ នៅ​រាត្រី​នេះ និង​បោះ​ជំហាន​