The Phnom Penh Post Search

Search form




Logo of Phnom Penh Post newspaper Phnom Penh Post - តំបន់អាស៊ីស្វាគមន៍ឆ្នាំ​ថ្មីដ៏​អធិក​អធម

តំបន់អាស៊ីស្វាគមន៍ឆ្នាំ​ថ្មីដ៏​អធិក​អធម

តំបន់អាស៊ីស្វាគមន៍ឆ្នាំ​ថ្មីដ៏​អធិក​អធម

130211_17a
ម្ចាស់ហាងនៅក្រុងទីប្រជុំជនជនជាតិចិនក្នុងក្រុងម៉ានីល លើកបង្ហាញពស់ពណ៌មាសតំណាងឲ្យឆ្នាំម្សាញ់ កាលពីថ្ងៃអាទិត្យ AFP

ក្រុង​ប៉េកាំងៈ ពល​រដ្ឋ​អាស៊ី​ជាង​១​ពាន់​លាន​​នាក់ បាន​ស្វាគមន៍ឆ្នាំ​ម្សាញ់​កាល​ពី​ថ្ងៃ​​អាទិត្យ​ ជាមួ​យ​សូរ​​កាំ​ជ្រួច​រំពង​មេឃ បន្ទាប់​ពី​​ក្តី រីក​រាយ​ដែល​ផ្សាយ​តាម​ទូរទស្សន៍​ចិន​ ដោយមាន​កំពូលតារា​ល្បី​ៗ​​រួម​មាន​ទាំងអ្នក​ស្រី​ សេលីន ឌី អន​ ​បាន​ចាប់​ផ្តើម​ពិធីបុណ្យ​ដ៏​រីក​រាយ​​មួយ​សប្តាហ៍​។

ចាប់​ពី​អូស្រ្តាលីរហូត​ដល់​កូរ៉េ​ខាង​ត្បូង ​មនុស្ស​រាប់​​លាន​នាក់ បាន​ធ្វើ​ដំណើ​លើ​ចម្ងាយ​ផ្លូវ​ដ៏​វែង​​ឆ្ងាយ​​ដើម្បី​ទៅ​ជួប​​ជុំ​គ្រួសារ​ពួក​​គេ​ក្នុង​ពិធី​បុណ្យ​ចូល​ឆ្នាំ​ចិន​ ​ដែល​ជា​​ថ្ងៃ​ឈប់​សម្រាក​ដ៏​សំខាន់​បំផុត​ប្រចាំឆ្នាំ​សម្រាប់​​​ពល​រដ្ឋ​នៅទ្វីប​​អាស៊ី ដែល​រួម​មាន​​​ពិធី​ជប់​លៀង រីក​រាយ​ និងពិធី​ឆ្លង​ផ្សេង​ៗ​។

ខណៈ​នាឡិកា​វាយ​ម៉ោងពាក់​កណ្តាល​អ្រធាត្រ ជើង​មេឃ​នៅ​ក្រុង​ប៉េកាំង បាន​ដុត​បំ​ភ្លឺ​​ជា​មួយ​នឹង​​ភ្លើង​ពណ៌ ខណៈ​​អ្នក​ស្រុក មិន​ខ្វល់​នឹង​សីតុណ្ហ​ភាព​ត្រជាក់​ស្ទើរ​កក​​ដើម្បី​អុជ​កាំ​ជ្រួច​ តាម​ប្រពៃណី ដែល​គេ​ជឿ​ថា​ដើម្បី​​កម្ចាត់​ព្រលឹង​បិសាច ជា​ទិដ្ឋ​ភាព​មួយ​ដែល​គេ​ធ្វើ​ដដែល​ៗ​ទូទាំង​ប្រទេស​​ចិន​។

យោង​តាម​កាសែតរដ្ឋ​​ China Dailyឲ្យ​ដឹង​ថា ប៉ុន្តែ​វិថី​ទាំង​ឡាយ​ ​នៅ​​រដ្ឋ​ធានីនេះ ស្ងាត់​ជ្រងំ​កាលពី​ថ្ងៃ​អាទិត្យ ព្រោះ​មនុស្ស​៩​លាន​នាក់​ក្នុង​ចំណោម​២០​​លាន​នាក់ ​បាន​ត្រឡប់​ទៅ​ស្រុក​​កំណើតដូន​តា​ពួក​គេ​ដើម្បី​ពិធី​បុណ្យនេះ​។

កាសែត Beijing Neews បាន​រាយការណ៍​ថា កាំ​ជ្រួច​​​ជាង​​២៦​ម៉ឺន​ប្រអប់ ត្រូវ​គេ​លក់​អស់​នៅក្នុង​ក្រុង​នេះ​ប៉ុន្មាន​ថ្ងៃ​មុន​ចូល​ឆ្នាំ​ថ្មី​ តែ​​ធ្លាក់​ចុះ​៣៧​ភាគ​រយ​​បើ​ធៀប​នឹង​​ការ​លក់​កាល​​ពី​ឆ្នាំ​​មុន​។

ទូរទស្សន៍​​រដ្ឋ CCTV បាន​​ផ្សាយ​ពិធី​រីក​រាយ​ធំៗ​​ប្រចាំ​ឆ្នាំ​របស់​ខ្លួន​ក្នុង​អំឡុង​ការ​រាប់​ថយ​ក្រោយ​មុន​ចូល​ឆ្នាំ​ថ្មី ដែល​ទាក់​ទាញ​ទស្សនិក-​ជន​រាប់​រយ​លាន​នាក់​ជាមួយ​ការ​ចូល​រួម​សម្តែង​ពី​តារា​ល្បី​ៗដ៏​ច្រើន​​​ក្នុង​នោះ​មាន​អ្នក​ស្រី​ សេលីន ឌី អន​​ដែល​​ច្រៀង​ជា​ភាសា​ចិនផង។

​អ្នក​ស្រី​ឌី​អន បាន​​ច្រៀង​ចម្រៀង​ ចិន​បុរាណ​ដែល​​មាន​ចំណង​ជើង​ថា​«​ផ្កា​ម្លិះ»​​ជាគូនឹង​​តារា​ចម្រៀង​ល្បី​ក្នុង​ស្រុក​នាង សុង ហ៊្សូ​យីង​​មុន​ពេល​​​ចាប់​​​ផ្តើម​​ច្រៀង​ចម្រៀង​​ល្បី​​ទូទាំង​​ពិភព​លោក​របស់​នាង​គឺ​បទ​«​បេះ​ដូង​មហា​សមុទ្រ» ​​ពី​​​រឿង​នាវាទីតានីក​ នៅ​ហូលីវូដ។ពិធី​ឆ្លង​ក៏​ត្រូវ​បាន​គេ​រាយការណ៍​​ថានៅ​លើ​នាវា​ល្បាត​ចិន​ ក្នុង​ដែន​ទឹក​ជុំ​វិញ​សមុទ្រ​ចិន​ខាង​កើត​ដែល ​ជប៉ុន​ហៅ​ថា​កោះសេនកាគុ ហើយ​​ ចិន​វិញ​ហៅ​ថា​​កោះឌាវយូ​​ដែរ។

នៅចិន តាម​ប្រ​ពៃ​ណីសត្វ​ពស់ ត្រូវ​បាន​គេ​ចាត់​ទុក​ជា​និមិត្ត​រូប​នៃឧត្តម​គតិ ភាព​មាន​បាន និង​អាយុ​យឺន​យូរ ប៉ុន្តែវា​ត្រូវ​គេ​ចាត់​ទុក​ជាសត្វ​មាន​រាសី​ល្អ​ជាង​បណ្តា​សត្វដទៃ នៅ​ក្នុង​រាសី​ចក្រ​​១២​ឆ្នាំរបស់​ចិន​ ដូច​ជា នាគ​រាជ។

នាយក​រដ្ឋមន្ត្រី​សិង្ហ​បុរី​លោកលី ស៊ានឡុង បាន​ប្រើ​ប្រាស់​ឱកាស នេះដាស់​តឿន​ក្រើន​​រំឭក​ជន​រួម​ជាតិ​ឲ្យ​បង្កើត​កូន​ចៅ​៕AFP​​/​​NR

អត្ថបទគួរចាប់អារម្មណ៍