The Phnom Penh Post Search

Search form




Logo of Phnom Penh Post newspaper Phnom Penh Post - ត្រាំ គំរាម​បង្កើន​ទណ្ឌកម្ម​ ខណៈអ៊ីរ៉ង់​ប៉ុនប៉ង​រឹបអូស​នាវា​ដឹក​ប្រេង​​របស់​អង់គ្លេស

ត្រាំ គំរាម​បង្កើន​ទណ្ឌកម្ម​ ខណៈអ៊ីរ៉ង់​ប៉ុនប៉ង​រឹបអូស​នាវា​ដឹក​ប្រេង​​របស់​អង់គ្លេស

Content image - Phnom Penh Post
លោក​​ប្រធានាធិបតី​អាមេរិក ដូណាល់ ត្រាំ​ ថ្លែង​​​នៅ​ក្រសួង​រតនាគារ​ជាតិ។ AFP

ត្រាំ គំរាម​បង្កើន​ទណ្ឌកម្ម​ ខណៈអ៊ីរ៉ង់​ប៉ុនប៉ង​រឹបអូស​នាវា​ដឹក​ប្រេង​​របស់​អង់គ្លេស

ក្រុង​វ៉ា​ស៊ីន​តោនៈ ប្រធានាធិបតី​អាមេរិក លោក​ ​ដូណាល់ ត្រាំ កាល​ពី​ថ្ងៃ​ពុធ​ បាន​ព្រមាន​អ៊ីរ៉ង់​ថា​ ទណ្ឌកម្ម​នឹង​ត្រូវ​បង្កើន​យ៉ាង​ច្រើន ​ខណៈ​​តាម​ការ​រាយការណ៍​ទូក​អ៊ីរ៉ង់​ប្រដាប់​ដោយ​អាវុធ​ជា​ច្រើន​គ្រឿង ​បាន​ប៉ុនប៉ង​រឹបអូស​យក​នាវា​ដឹក​ប្រេង​អង់គ្លេស ​១ ​គ្រឿង ​ក្នុង​តំបន់​ឈូង​សមុទ្រ​។ ​​

ការ​ព្រមាន​ដាក់​ទណ្ឌកម្ម​របស់​លោក ​ត្រាំ ដែល​លោក​បាន​ថ្លែង​នៅ​លើ​​គេហទំព័រ​ធ្វីធើរ ​បាន​កើត​ឡើង​ ខណៈ​ដែល​​​ទីប្រឹក្សា​ការទូត​កំពូល​របស់​លោក​ប្រធានាធិបតី​បារាំង ​អេម៉ានុយអែល ​ម៉ាក្រុង ​បាន​ជួប​ជាមួយ​ប្រធានាធិបតី​អ៊ីរ៉ង់​​ ​ដោយ​បាន​បញ្ចប់​ការ​ចរចា​រយៈពេល ​១ ​ថ្ងៃ ​នៅ​ទីក្រុង​តេអេរ៉ង់ ​ដែល​មាន​បំណង​ជួយ​សង្គ្រោះ​កិច្ច​ព្រមព្រៀង​នុយក្លេអ៊ែរ​ឆ្នាំ ​២០១៥​ នោះ។ ​

កិច្ច​ព្រមព្រៀង​ឆ្នាំ ​២០១៥ ​រវាង​ប្រទេស ​អ៊ីរ៉ង់​ និង​មហា​អំណាច​ក្នុង​ពិភព​លោក​ បាន​សន្យា​បន្ធូរបន្ថយ​ទណ្ឌកម្ម ​និង​ផ្តល់​ប្រយោជន៍​សេដ្ឋកិច្ច​ និង​បញ្ចប់​ការ​ផ្តាច់​ខ្លួន​ពី​អន្តរជាតិ​ជា​ថ្នូរ​នឹង​ការ​រឹតត្បិត​នៅ​លើ​កម្មវិធី​អាវុធ​នុយក្លេអ៊ែរ​របស់​សាធារណ​រដ្ឋ​អ៊ិស្លាម​នេះ​។

ក្រុង​តេអេរ៉ង់​និយាយ​ថា ​ខ្លួន​បាន​បាត់បង់​ការ​អត់ធ្មត់​ដោយសារ​តែ​ភាព​ស្ងៀមស្ងាត់​របស់​បណ្តា​ប្រទេស​នៅ​អឺរ៉ុប​​អស់​រយៈពេល​ជាង ​១ ឆ្នាំ​ ក្រោយ​ពី​អាមេរិក​ បាន​​ដក​ខ្លួន​​ចេញ​ពី​កិច្ច​ព្រមព្រៀង​នុយក្លេអ៊ែរ​កាល​ពី​ឆ្នាំ ​២០១៨ និង​​ចាប់​ផ្តើម​ដាក់​ទណ្ឌកម្ម​មក​លើ​ខ្លួន​។ ​

ភាព​តានតឹង​ រវាង​ក្រុង​វ៉ាស៊ីនតោន ​និង​ក្រុង​តេអេរ៉ង់ ​បាន​កើន​ឡើង​យ៉ាង​ក្តៅ​គគុក​​ក្នុង​ប៉ុន្មាន​សប្តាហ៍​ថ្មីៗ​នេះ​ ដោយ​អាមេរិក​​​ បាន​ស្តី​បន្ទោស​​អ៊ីរ៉ង់​ចំពោះ​ការ​វាយ​ប្រហារ​លើ​នាវា​ដឹក​ប្រេង​ជា​ច្រើន​លើក ​និង​សាធារណ​រដ្ឋ​អ៊ិស្លាម ​បាន​បាញ់​ទម្លាក់​យន្តហោះ​ដ្រូន​​ស៊ើប​យក​​ការណ៍​របស់​អាមេរិក ​១ គ្រឿង​៕ AFP/PSA

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។