.jpg)
ប្រធានាធិបតីអាមេរិក ដូណាល់ ត្រាំ និង លោកជំទាវ ទីមួយ លោកស្រី Melania Trump ទទួលស្វាគមន៍ ប្រធានាធិបតី បារាំង លោក អេម៉ានុយអែល ម៉ាក្រុង និង ភរិយារបស់លោកលោកជំទាវ ប្រ៊ីហ្គ្រីតតេ ម៉ាក្រុង (Brigitte Macron) សម្រាប់ពិធីលៀងសាយភោជន៍ផ្លូវរដ្ឋ នៅសេតវិមាន ក្នុងរដ្ឋធានី វ៉ាស៊ីនតោន ឌីស៊ី កាលពីថ្ងៃទី ២៤ ខែ មេសា ឆ្នាំ ២០១៨។ AFP
ក្រុងវ៉ាស៊ីនតោន: ប្រធានាធិបតី អាមេរិក លោក ដូណាល់ ត្រាំ និងសមភាគីបារាំងលោកអេម៉ានុយអែល ម៉ាក្រុង បានអំពាវនាវសុំឲ្យមានកិច្ចព្រមព្រៀង«ថ្មី»មួយជាមួយអុីរ៉ង់កាលពីថ្ងៃអង្គារដោយធ្វើការពិចារណាលើសពីការខ្វែងគំនិតគ្នាជុំវិញបញ្ហានៃកិច្ចព្រមព្រៀងនុយក្លេអ៊ែរអុីរ៉ង់ជាប្រវត្តិសាស្ត្រមួយដែលកំពុងស្ថិតក្នុងសភាពមិនច្បាស់លាស់និងមានគ្រោះថ្នាក់។
លោកត្រាំបានបង្ហាញអំពីការខ្វែងគំនិតគ្នារវាងប្រទេសជាប់ឆ្នេរមហាសមុទ្រអាត្លង់ទិចអំឡុងដំណើរទស្សនកិច្ចមួយដោយប្រធានាធិបតីបារាំង ដោយធ្វើការរិះគន់ចំពោះកិច្ចព្រមព្រៀងមានអាយុកាល៣ឆ្នាំផ្តួចផ្តើមធ្វើឡើងដើម្បីទប់ស្កាត់កម្មវិធីនុយក្លេអ៊ែរអុីរ៉ង់។
មេដឹកអាមេរិកបានពិពណ៌នានូវកិច្ចព្រមព្រៀងនោះថា«ឆ្កួត»និង«មិនសមហេតុផល»ថ្វីបើមានការស្នើសុំពីក្រុមប្រទេសអឺរ៉ុបកុំឲ្យលោកដើរចេញពីកិច្ចព្រមព្រៀងនេះក៏ដោយ។
ផ្ទុយទៅវិញ លោក ត្រាំបានមើលឃើញនូវ«កិច្ចព្រមព្រៀង»ដ៏ទូលំទូលាយមួយដែលក៏នឹងកំហិតព្រំដែនលើកម្មវិធីផលិតកាំជ្រួចមីស៊ីលបាលិស្ទិករបស់អុីរ៉ង់និងការគាំទ្រចំពោះក្រុមជនសកម្មប្រយុទ្ធនៅទូទាំងតំបន់មជ្ឈិមបូព៌ា។
ត្រាំថ្លែងថា ពួកគេគួរតែបង្កើតកិច្ចព្រមព្រៀងណាដែលពាក់ព័ន្ធយេម៉ែននិងស៊ីរី៕ AFP/SN
